«Եթե պետությունը ձեզ չվերահսկի, դուք մեզ կխեղդեք». Հովիկ Աղազարյան

ՀՀ գազի և էլեկտրաէներգիայի մատակարարման և բաշխման համակարգերի գործունեությունը, գազի և էլեկտրաէներգիայի գործող սակագների հիմնավորվածությունը քննության առարկա դարձնելու նպատակով ստեղծված ԱԺ քննիչ հանձնաժողովի նիստի ժամանակ, դիմելով «Հայաստանի էլեկտրական ցանցեր» ՓԲԸ գլխավոր տնօրեն Կարեն Հարությունյանին, ԱԺ «Ելք» խմբակցության պատգամավոր Հովիկ Աղազարյանը հարցրեց, թե այն գնում են 21 դրամով, վաճառում՝ 41-ով. կորուստը 21-ի վրա՞ է հաշվվում, թե՞ 41-ի: «Ներդրումը խի՞ չեք ձեր շահույթից տանում, այլ ներառում եք սակագնի մեջ»,- հետաքրքրվեց նա: «Սահմանված է կանոն՝ ինչ ձևով պետք է փոխհատուցվի, իսկ դա փոխհատուցվում է վաճառքից»,-ի պատասխան ասաց ՓԲԸ գլխավոր տնօրեն: Եթե պետությունը ձեզ վերահսկողություն չանի, դուք մեզ կխեղդեք, քանի որ դուք բնական մոնոպոլիա եք համարվում: Նպատակահարմար չի լինի՞, որ ձեր աշխատավարձերի բացարձակ չափը համեմատելի լինի պետական նախարարությունների աշխատավարձերի բացարձակ չափի հետ, ինչքան ուզում եք ավել տաք, տվեք ձեր շահույթից»,- ասաց Աղազարյանը: