Սանդերսը հաղթել է Քլինթոնին

Ամերիկացի սենատոր Բեռնի Սանդերսը Դեմոկրատական կուսակցությունից նախագահի թեկնածու առաջադրվելու պայքարում Ալյասկայում և Վաշինգտոնում հաղթել է Հիլարի Քլինթոնին ։ Այդ մասին հայտնում էBBC-ն։ Սանդերսն Ալյասկայում հավաքել է մոտ 79 տոկոս ձայն, Քլինթոնը՝ 21։ Վաշինգտոն նահանգում Սանդերսը ստացել է 77 տոկոս ձայն, Քլինթոնը՝ 23։ Փրայմերիզ է անցկացվել նաև Հավայի նահանգում, արդյունքները հայտնի դառնան ավելի ուշ։ Հաղթանակը Վաշինգտոնում հատկապես կարևոր է Սանդերսի համար, քանի որ թույլ կտա նրան ամռանը կայանալիք կուսակցական համագումարում ակնկալել միանգամից 100 պատվիրակի աջակցություն։