«Եթե ՊՊԾ գնդում զոհված ոստիկանների իրավահաջորդներն առարկեն, «Սասնա ծռերը» չեն համաներվի». Արտակ Զեյնալյան
« 2016թ. ՀՀ ոստիկանության ՊՊԾ գունդը գրաված եւ մի շարք ծանր հանցագործությունների կատարման համար մեղադրվող «Սասնա ծռեր» խմբի անդամների հանդեպ համաներումը արտառոց չէ, նմանօրինակ համաներում է կիրառվել է նաեւ «Մարտի մեկի» գործով մեղադրյալների հանդեպ: 1996թ. իշխանափոխությունից հետո եւս բանտերից ազատում եղավ: Այսինքն, սա նորություն չէ»,- լրագրողների հետ հանդիպմանը նման հայտարարություն արեց ՀՀ արդարադատության նախարարի ժամանակավոր պաշտոնակատար Արտակ Զեյնալյանը: Ինչ վերաբերում է ՊՊԾ գնդում զոհված ոստիկանների հարազատների՝ համաներման առնչությամբ դժգոհություններին, Արտակ Զեյնալյանն ընդգծեց. «Փորձել ենք հավասարակշռությունը պահպանել: Նախատեսել ենք նաեւ զոհվածների իրավահաջորդների, պատանդառվածների եւ ֆիզիկական վնաս կրածների իրավունքների պաշտպանություն: Եթե նրանք առարկեն, այս համաներումը չի կիրառվի: Նրանց իրավունքները չենք կարող անտեսել»,-ասաց նա:
Հետևեք մեզ Viber-ում
