Խոշոր ավտովթար Շիրակի մարզում. բախվել են Mercedes-ն ու Ford-ը

Այսօր՝ նոյեմբերի 1-ին, խոշոր ավտովթար է տեղի ունեցել Շիրակի մազրում։ Ժամը 14։10-ի սահմաննրում Երևան-Գյումրի ավտոճանապարհի 106-րդ կմ հատվածում՝ Արթիկի վարչական տարածքում, բախվել են Mercedes մակնիշի 18 ՍՍ 114 համարանիշի և Ford մակնիշի 466 AF 61 համարանիշի ավտոմեքենաները։ Ինչպես դեպքի վայրից հայտնում է ֆոտոլրագրող Գագիկ Շամշյանը, բախման հետևանքով Mercedes-ը դուրս է եկել երթևեկելի գոտուց և կողաշրջված վիճակում հայտնվել դաշտում՝ առվի մեջ, իսկ Ford-ն էլ նույնպես դուրս է եկել երթևեկելի գոտուց և հայտնվել դաշտում։ Վթարի հետևանքով 1 հոգի մարմնական վնասվածքներով տեղափոխվել է Գյումրիի բժշկական կենտրոն։ Վիրավորին առաջինը օգնության են հասել ՃՈ 2-րդ սպայական գումարտակի 2-րդ վաշտի հետաքննիչ Դավիթ Ասատրյանն ու մի քանի քաղաքացիներ։ Դեպքի վայր են ժամանել նույն վաշտի հրամանատար Վաչե Մալլաքյանը, դասակի հրամանատար Ռաֆայել Ասրյանը։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Յուրա Հովհաննիսյանը տեղեկությունը փոխանցել է Ոստիկանության Արթիկի բաժին, որտեղից ժամանել է օպերատիվ խումբը՝ բաժնի պետի տեղակալ Սուքիաս Գրիգորյանի գլխավորությամբ։ Տեղում հետաքննչական աշխատանքները ղեկավարում է ՃՈ 2-րդ սպայական գումարտակի 2-րդ վաշտի ավագ հետաքննիչ Նաիրի Գասպարյանը, ում կողմից փաստի առթիվ նյութեր են նախապատրաստվում։ Ոստիկանւոթյունը պարզում է վարորդների ինքնությունը։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: