Ընդերք քանդող և խաղադրույք կատարող երկրից պետք է փոխվենք. Փաշինյան

«Հայաստանի տնտեսությունում այս պահին որևէ անառողջ գործընթաց տեղի չի ունենում Ընդհակառակը, թույլ տվեք հայտարարել, որ ՀՀ-ում տեղի է ունենում տնտեսական առողջացման և տնտեսական տրանսֆորմացիայի մեկնարկ», -  Ազգային ժողովի ամբիոնից հայտարարեց ՀՀ վարչապետի պաշտոնակատար Նիկոլ Փաշինյանը։ «Երկու ամիս առաջ հրապարակել եմ  տնտեսական առաջընթացի կառուցվածքի մասին կառավարության պատկերացումը, որի քաղաքական արձանագրումը հետևյալն է.Մենք ագրարային հանքարդյունաբերող, ընդերք քանդող և խաղադրույք կատարող երկրից պետք է վերածվենք տեխնոլոգիական արտադրանքի արդյունաբերական և արտահանմանը միտված տնտեսություն ունեցող երկրի»։ Փաշինյանն ասաց, որ այսօր արդեն այդ գործընթացը տեղի է ունենում Հայաստանի Հանրապետությունում։