Արտակ Զեյնալյանը թիվը հայտնեց

Համաներում հայտարարելու մասին առաջարկվող նախագիծը ամենաշատ շահառու ունեցող համաներումն է: Դրանով համաներում է շնորհվելու շուրջ 660 դատապարտյալի: Այս մասին այսօր ԱԺ նիստում հայտարարեց ՀՀ արդարադատության նախարարի պաշտոնակատար Արտակ Զեյնալյանը: «Նախագծով առաջարկվում է, որ օրինական ուժի մեջ մտած դատավճռով պատժի չկրած մասը կկրճատվի: Ընդհանուր առմամբ հիմնարկներում պահվող ավելի քան 660 դատապարտյալների նկատմամբ կկիրառվի համաներում: Դա կազմում է դատապարտյալների ավելի քան 36 տոկոսը, իսկ հիմնարկներում պահվող անձանց՝ շուրջ 22 տոկոսը: Պրոբացիայի 3850 շահառուներից շուրջ 2720  անձի նկատմամբ ևս կկիրառվի համաներում, քննչական կոմիտեում քննվող շուրջ 6140 քրեական գործերից 1096-ի նկատմամբ ևս»,-նշեց Զեյնալյան: