Փոփոխված Ընտրական օրենսգիրքը կրկին ԱԺ կտարվի՞
«Իրավունք» թերթը գրում է. «Ընտրական օրենսգրքում փոփոխություններ կատարելու մասին նախագիծը երեկ խորհրդարանն արտահերթ նիստում կրկին չընդունեց: Սակայն, «Իրավունքի» ունեցած տեղեկությունների համաձայն, սրանով թեման դեռ փակված չէ եւ դեռ չի կարելի ասել, որ արտահերթ խորհրդարանական ընտրություններին քաղաքական ուժերը կգնան գործող Ընտրական օրենսգրքով: Մեր աղբյուրների փոխանցմամբ՝ հնարավոր է, որ փոփոխված Ընտրական օրենսգիրք ընդունելու երրորդ փորձը կատարվի, եւ կրկին նախաձեռնողը լինի «Ծառուկյան» խմբակցությունը: Սակայն այս հնարավորությունը դեռ քննարկվում է՝ հաշվի առնելով, որ ընդամենը մոտ 40 օր է մնացել նախանշված արտահերթ խորհրդարանական հնարավոր ընտրությունից: Ընտրական օրենսգրքի փոփոխության եւս մեկ նախագիծ բերելու հնարավորության մասին փորձեցինք պարզել ԱԺ նախագահի տեղակալ, «Ծառուկյան» խմբակցության պատգամավոր Միքայել Մելքումյանի տեսակետը: «Եթե քաղաքական կամք ցուցաբերվի, կարող է օրենքի նախագծի նոր առաջարկություն լինի: Բայց եկեք սպասենք, կանխատեսումներ չանենք»: Առավել մանրամասն՝ թերթի այսօրվա համարում
Հետևեք մեզ Viber-ում
