Այս փոփոխությունները մեզ պետք են.Կոստանյանը կոչ արեց կողմ քվեարկել

«Որևէ մեկը չի ասում, որ ռեյտինգային համակարգը շատ վատն էր, դրա համար ենթակա է փոփոխման : Պարզապես ռեյտինգային համակարգը կատարել է իր աշխատանքը, ռեյտինգային համակարգը կարող է նաև ապագայում կատարել իր նշանակությունը, բայց հիմա, եթե քաղաքական նպատակահարմարությամբ պայմանավորված ընտրվել է համամասնական ընտրական համակարգը, այսինքն՝ որպեսզի մեխանիկորեն մենք խթանենք կուսակցական համակարգի ստեղծմանը, կարծում եմ՝ սա շատ կարևոր որոշում է», -Ազգային ժողովում ասաց ԱԺ պետաիրավական և մարդու իրավունքների պաշտպանության հարցերի մշտական հանձնաժողովի նախագահ Գևորգ Կոստանյանը։ «Հայաստանյան իրականության մեջ, այնուամենայնիվ, քննարկման առարկա դառնում է կուսակցությունը կոնկրետ անձերով պայմանավորված, կուսակցությունը կոնկրետ անձերի մասնակցությունը բացառելու տեսակետից։Չկա նման խնդիր, այս համակարգը, այս փոփոխությունները մեզ պետք են, որպեսզի մենք կուսակցական, քաղաքական համակարգը խթանենք», - ասաց նա։ ԱԺ պետաիրավական և մարդու իրավունքների պաշտպանության հարցերի մշտական հանձնաժողովի նախագահն ընդգծեց՝ որևէ մեկը չի բացառում, որ հաջորդ ընտրական ցիկլում կարող է նորից անցում կատարվի դեպի մեծամասնականի կամ ռեյտինգայինի