«Մնում է հանելուկ». Արմեն Ռուստամյան
Խորհրդարանում ճեպազրույցների ժամին ԱԺ դեկտեմբերին նախատեսված արտահերթ ընտրություններին անդրադառնալով, ԱԺ ՀՅԴ խմբակցության պատգամավոր Արմեն Ռուստամյանը հայտարարեց. «Ի՞նչն է պատճառը դեկտեմբերի, մեզ համար մինչև հիմա էդ հարցը մնում է հանելուկ: Ինչո՞ւ անպայման դեկտեմբեր, եթե, ասենք, երկու ամիս հետո էլ կարող էր լինել ու համախոհությամբ գնայինք, ճանապարհային քարտեզ ունենայինք, քաղաքական պրոցեսներն էլ սենց պրոբլեմներով չէին ընթանա»: «Եթե համախոհություն լիներ ու մեր առաջարկներն էլ ընդունվեին, ԸՕ-ն կընդունվեր կոնսենսուսով: Կպայմանավորվեինք, որ ունենք ճանապարհային քարտեզ, առաջադրումներ չեն լինում, առաջադրում ենք, չի ընտրվում ու վերջը՝ արտահերթ ընտրություններ»,- հավելեց նա: Անդրադառնալով ԱՄՆ նախագահի ազգային անվտագության հարցերով խորհրդական Ջոն Բոլթոնի՝ սպառազինության թեմայով հայտարարությանն էլ ասաց. «Չափազանց կարևոր, հեռուն գնացող նպատակներ հետապնդող էր նրա այցը տարածաշրջան: Այն, ինչ տեղի է ունենում այս տարածաշրջանում, գերտերությունների շահերի անմիջական դաշտում է, ու նրա ակնարկները կենսական նշանակություն ունեն թե տարածաշրջանի ապագայի, թե ՀՀ արտաքին քաղաքականության համար:Միջնորդ երկրները կամ զենք չեն տրամադրում, կամ տրամադրում են այնպես, որ բալանսը չխախտվի»:
Հետևեք մեզ Viber-ում
