Պարգեւավճարները կրճատել են. ոստիկանությունում բողոքի ալիք է հասունանում
«Իրավունք» թերթը գրում է. «Մամուլում բազմիցս եղել է անդրադարձ այն մասին, որ մեծ թվով ոստիկանության աշխատակիցներ դուրս են գալիս աշխատանքից՝ իրենց իսկ դիմումի համաձայն: ՀՀ ոստիկանությունում եւ արդարադատության համակարգում իրավիճակն օր օրի ավելի է բարդանում: Պարզվում է՝ նոր իշխանությունը կրճատել է ժամանակ առ ժամանակ աշխատակիցներին տրվող 70 հազար դրամ պարգեւավճարները, որով էլ նրանք կարողանում էին հոգալ անհրաժեշտ կենցաղային ծախսերը: Մինչդեռ հիմա համակարգում նստած են չոր աշխատավարձի վրա, նրանցից ոմանք, որոնք դեռ ազատման դիմում չեն գրել, մտածում են աշխատանքը փոխելու կամ արտագաղթելու մասին: Մեզ հետ զրույցում ոստիկանության աշխատակիցներից մեկը, որի անունը հասկանալի պատճառներով չենք նշում, ասաց. «110 հազար աշխատավարձով ո՞նց ընտանիք պահեմ, առաջ գոնե պրեմիաներով յոլա էինք գնում, հիմա էդ էլ չկա»: Առավել մանրամասն՝ թերթի այսօրվա համարում
Հետևեք մեզ Viber-ում
