Բոլթոնը եկավ, տեսավ Կովկասն ու գնում է՝ համոզվելով, որ այն և Ղարաբաղը կորսված են ԱՄՆ-ի համար. Ստ. Տարասով

Tert.am -ի հետ զրույցում ռուաստանցի քաղաքագետ Ստանիսլավ Տարասովն անդրադառնում է ԱՄՆ նախագահի Ազգային անվտանգության հարցերով խորհրդական Ջոն Բոլթոնի՝ Հարավային Կովկաս ու ՌԴ կատարած այցին: -Պարո՛ն Տարասով, ԱՄՆ նախագահի Ազգային անվտանգության հարցերով խորհրդական Ջոն Բոլթոնը Երևանում պատասխանելով հարցին, թե կարո՞ղ է արդյոք երաշխավորել, որ Ազատության աջակցության մասին ակտի 907-րդ փոփոխության չեղարկումը չի հանգեցնի անհավասարակշռության, և հնարավոր է, որ ԱՄՆ-ը, ի վերջո, զենքեր վաճառի Ադրբեջանին և ՀՀ-ին, փաստորեն, չբացառեց, ասելով, որ այս պահին դեռևս որոշում կայացված չէ փոփոխության չեղարկման վերաբերյալ: Համարո՞ւմ եք, որ փաստացի՝ ամերիկյան զենքի էմբարգոն կհանվի: -Ինչ է, երբ ասում է, որ կարող է զենք վաճառեն Ադրբեջանին, ի՞նչ են ուզում՝ Հարավային Կովկա՞սն են ուզում նվաճել: Բոլթոնի, մեղմ ասած, ոչ հաջող հայտարությունները, ի՞նչ է, կայունացնելո՞ւ են տարածաշրջանն ու լավացնելո՞ւ են Հայաստանի ու Ադրբեջանի հարաբերությունները: Հատկապես մտահոգիչ է, որ Դուշանբեից հետո, երբ Իլհամ Ալիևն ու Նիկոլ Փաշինյանը սկսել էին խոսել իրար հետ, հիմա նման կտրուկ հայտարարություններ են արվում: Այն դեպքում, երբ այդ համաձայնությունները կարող էին որևէ կերպ նպաստել կողմերի հարաբերությունների բարելավմանը: Մինչդեռ ինքը խաղում է ադրբեջանական «սիթառ»-ի վրա, ադրբեջանական նման երաժշտական գործիք կա՝ կիթառ, և ո՞վ է մատակարարելու այդ սպառազինությունը, ինչո՞ւ: Սրանք շատ սադրիչ հայտարարություններ են: -Այսինքն՝ եթե ՌԴ-ն և՛ հայտարարում է, և՛ վաճառում սա սադրիչ չէ՞,ըստ Ձեզ: Ի վերջո, ադրբեջանական զենքի 80 տոկոսը մատակարարում է Ռուսաստանը:շ -Ռուսաստանը, իրոք, Ադրբեջանին վաճառում է զենք, բայց Հայաստանում կարծում են, թե այդ զենքն ուղղվելու է Հայաստանի վրա: Իսկ դուք մի հատ վերլուծեք՝ ի՞նչ է տեղի ունենում ձեր կողքին՝ Արաքսից այն կողմ: Նայեք քարտեզին ու տեսեք՝ ո՞վ է Արաքսից այն կողմ ձեզ հետ սահմանակից՝ Թուրքիան, Իրանը, իսկ Սիրիայում դեռ շարունակվում է պատերազմը: Սիրիան ձեզնից ընդամենը 1500 կիլոմետր հեռավորության վրա է: Այնպես որ, ոչ մի սցենար պետք չէ բացառել, սա մեկ: Սա, ի՞նչ է, կարծում եք, Հայաստանի դե՞մ է ուղղված: Չմոռանանք, որ Հայաստանում է մեր ռազմաբազան, մեր զինվորները, մեր սպաները: Ի՞նչ է, կարծում եք, այս ռուսական զենքը կրակում է ռուս զինվորների ուղղությամբ, էլ չասած, հայ զինվորների մասին: Եվ մյուս կողմից, դուք ի՞նչ բնակչություն ունենք, հազիվ 1.5 միլիոն և կարծում եք՝ ադրբեջանական բանակը դրա համա՞ր է զինվում: Իհարկե ոչ: Եվ երկրորդ՝ հայերի ու ադրբեջանցիների միջև հակամարտությունը այն հակամարտությունը չէ, որ խթանում է սպառազինությունների մրցավազքը: -Մյուս կողմից, հայ հասարակությունը երբեք այդ վարկածին չի հավատա: -Իհարկե, բայց մենք առնվազն վստահ ենք, որ Հայաստանի ու Ադրբեջանի միջև այն պոտենցիալի օգտագործումը, որն առկա է ձեր հակառակորդ երկրի մոտ, երբեք չի լինի: -Ջոն Բոլթոնը Երևանում նաև հայտարարեց, որ LՂ հիմնախնդրի կարգավորումը բխում է ոչ միայն Հայաստանի ու Ադրբեջանի, այլև ԱՄՆ շահերից և որ Նիկոլ Փաշինյանը կարող է վճռական որոշումներ կայացնել նաև ԼՂ հարցում: -Նիկոլ Փաշինյանը Ղարաբաղի մասով այնքան բան է ասել, որ դժվար է որևէ բան մեկնաբանել, պետք է բախտագուշակի մոտ գնաս: Նա ասում էր, չէ՞ որ Ղարաբաղը հակամարտության կողմ է, ասում էր, բայց բանակցությունները նախկին ձևաչափով են: Եթե դու ասում ես, որ Ստեփանակերտը հակամարտության կողմ է, ուրեմն այդ ինչո՞ւ են ձեր Մնացականյանն ու Մամեդյարովը հանդիպում, սրանք ինչ է՝ հին ձևաչափով բանակցություններ են: Ես չեմ ասում, որ այս կամ այն դիրքորոշման կողմնակից են կամ նման բանի կոչ եմ անում, ես ուղղակի ուզում եմ ասել, որ եթե ասում ես ա՝, պետք է ասվի նաև բ-ն: Թե չէ մի բան է ասում, մեկ այլ բան անում: -Ամփոփենք Բոլթոնի այցը: -Նա եկել է՝ համոզվելու, որ Ղարաբաղը և Հարավային Կովկասը արդեն կորսված են ԱՄՆ-ի համար: Պարզապես մեկ բան. միակ դեսպանատունը, որը հետխորհդային տարածքում ունի 3000 -ից ավելի աշխատող, Հայաստանն է: Հարց՝ ինչո՞ւ: