Բոլթոնն ասել է,թե ինչու է եկել
Միացյալ Նահանգների նախագահի ազգային անվտանգության հարցերով խորհրդական Ջոն Բոլթոնն Ադրբեջանում հայտարարել է, որ Վաշինգտոնի քաղաքականության փոփոխություն Հարավային Կովկասում չի նախատեսվում: Նրա խոսքով, Բաքվում քննարկվող կարեւոր հարցերի թվում էր ահաբեկիչներին աջակցող Իրանի ազդեցության թուլացումը տարածաշրջանում, ինչպես նաեւ ղարաբաղյան հակամարտության կարգավորումը.«Ես չեմ եկել փոխելու Ամերիկայի քաղաքականությունը, այլ եկել եմ առավել լավ ուսումնասիրելու այն:Միացյալ Նահանգները հավատացած է, որ խնդրի հաջող կարգավորումը կարեւոր է ոչ միայն Ադրբեջանի եւ Հայաստանի համար, այլեւ ռազմավարական հետեւանքներ ունի միջազգային առումով» :
«Ղարաբաղյան կարգավորման խնդիրը քննարկվելու է նաեւ հինգշաբթի Երեւանում, որ Իլհամ Ալիեւն հավատացրել է, որ խնդրի կարգավորման կողմնակից է: Ինչ վերաբերում է Վաշինգտոնին, ապա այն լրջորեն հետաքրքրված է ղարաբաղյան հակամարտության կարգավորման մեջ:Միացյալ Նահանգները շատ լուրջ է վերաբերում որպես Մինսկի խմբի համանախագահերկիր իր դերին: Մենք համոզված ենք, որ ե՛ւ երկու կողմերի, ե՛ւ Միացյալ Նահանգների շահերից է բխում խնդրի խաղաղ կարգավորումը»:
Բաքվում Ջոն Բոլթոնին հարց ուղղվեց, թե արդյոք Ալիեւի հետ քննարկելու է Ադրբեջանում մարդու իրավունքների ճնշման խնդիրը, որը հակասում է ԱՄՆ-ի ժողովրդավարական արժեքներին:
«Մենք մեր արժեքները գաղտնի չենք պահում եւ կարծում եմ նախագահ Ալիեւը տեղյակ է դրանց մասին, ինչպես նաեւ՝ Վլադիմիր Պուտինը», - նշել է պաշտոնյան:
Հինգշաբթի ԱՄՆ-ի նախագահի ազգային անվտանգության հարցերով խորհրդականը քննարկումներ է անցկացնելու Երեւանում:
Հետևեք մեզ Viber-ում
