«ՀՀԿ-ն որոշեց վերջում մի վատություն անել մեր քաղաքական դաշտին». Ալեն Սիմոնյան
«Ելք» խմբակցության անդամ Ալեն Սիմոնյանը լրագրողների հետ ճեպազրույցում անդրադարձավ այսօր՝ հոկտեմբերի 22-ին Ընտրական օրենսգրքի բարեփոխումների փաթեթն ԱԺ-ում անհրաժեշտ թվով ձայներ չստանալուն: «Ապացուցվեց, որ այս ԱԺ-ն պետք է ցրվեր: Ցավում եմ, որ ՀՀԿ խմբակցության մեր գործընկերները ևս մեկ անգամ որոշեցին վերջում ևս մի վատություն անել քաղաքական դաշտին: Փաստացի ստացվում է, որ նոր Ընտրական օրենսգրքում մենք ունենալու էինք մի իրավիճակ, երբ քաղաքական դաշտում ավելի լայն շրջանակներ կարող էին մասնակցել և ավելի շատ քաղաքական ուժեր կարող էին հայտնվել ԱԺ-ում»,- ասաց Սիմոնյանը:
Հետևեք մեզ Viber-ում
