Կպահի՞ զինադադարը Փաշինյանը դեկտեմբերից հետո

ՀՀ վարչապետի ժամանակավոր պաշտոնակատարի ու Ադրբեջանի նախագահի միջև օպերատիվ կապ է ստեղծվել, երեկ լրագրողների հետ զրույցում այս մասին ասել է Հայաստանի վարչապետի ժամանակավոր պաշտոնակատար Նիկոլ Փաշինյանը: «Այո, Ադրբեջանի հետ հաստատվել է հուսալի օպերատիվ կապ և կարող ենք ասել, որ փոխադարձաբար ցանկացած տեղեկատվություն, կես ժամվա ընթացքում, կհասնի Ադրբեջանի նախագահին և եթե նրանց կողմից լինի՝ ինձ», - ասաց Փաշինյանը: Վարչապետի պաշտոնակատարը փաստեց, որ սահմանին իրավիճակն աննախադեպ հանգիստ է՝ պնդելով, որ դա նաև Դուշանբեի համաձայնության արդյունք է: Օպերատիվ կապ, հայտնի է, որ գործել է Հայաստանի ու Ադրբեջանի միջև գործել է դեռ պատերազմի տարիներից: Իրականում այդ օպերատիվ կապի գոյությունը վատ բան չէ, եթե հաշվի առնենք, որ այն կարող է ծառայել սահմանային լարվածության սրմանը խոչընդոտելուն, ինչ-ինչ ճշգրտումներ անելու, հրադադարի խախտման դեպքերի շուրջ պարզաբանումներ ունենալու տեսանկյունից: Հնարավոր է, որ Ադրբեջանը մինչև Հայաստանի խորհրդարանական ընտրությունները հարաբերական անդորր պահպանի սահմաններում: Բայց չկա որևէ երաշխիք, որ այդ անդորրը կայուն կլինի: Ալիևի ռեժիմը ամենաանկախտեսելին է: Որոշակի պահից, նա կարող է անցնել սադրանքների ու դիվերսիոն գործողությունների, եթե ոչ՝ պատերազմական գործողությունների: Եթե Փաշինյանին հաջողվել է Ալիևից ստանալ օպերատիվ կապ ստեղծելու պայմանավորվածություն, ուրեմն, կա հնարավորություն նաև զինադադար կայուն պահպանելու հնարավորություն: Կհաջողվի՞ Փաշինյանին Ազգային ժողովի ընտրություններից հետո Ալիևի հետ ձեռքբերել զինադադարը պահպանելու կոնկրետ պայմանավորվածություն, բայց ոչ թե նոր համաձայնագրի ստորագրմամբ, ինչին ձգտում է Ալիևը, այլ 1994թ. մայիսին կնքված համաձայնագրի պահանջների պահպանումը: Բացի այդ, 1994 թվականի զինադադարի համաձայնագիրը ստորագրել է նաև Լեռնային Ղարաբաղի ներկայացուցիչը, միայն այդ պատճառով Ալիևը ձգտում է զրոյացնել այդ համաձայնագիրը, ինչը ձեռնտու չէ հայկական կողմին: Հետևաբար, Փաշինյանի թիվ մեկ խնդիրն է լինելու խորհրդարանական ընտրություններից հետո վարչապետի պաշտոնում 1994 թ. զինադադարի պահպանումը: Թամար Բագրատունի