245 հազ. դրամ միջին աշխատավարձ և 27 աշխատատեղ․ համաձայնություն ներդրումային ծրագրին

Կառավարության հոկտեմբերի 18-ի նիստում գործադիրը հավանություն տվեց որոշման նախագծի, որով առաջարկվում է բավարարել «Յունիվերսալ Քլոզրա» ՍՊԸ-ի կողմից ներկայացված հայտը գերակա ոլորտում իրականացվող ներդրումային ծրագրի շրջանակներում ներմուծված տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը ներմուծման մաքսատուրքից ազատման արտոնությունից օգտվելու համար։ Ծրագրի շրջանակներում նախատեսվում է իրականացնել 2 մլրդ 784 մլն  ՀՀ դրամի ներդրում: Նախատեսվում է ներդրումային ծրագրի շրջանակում ստեղծել 27 աշխատատեղ՝ 245 000 ՀՀ դրամ միջին աշխատավարձով, հետագայում ելնելով պատվերի ընդհանուր ծավալից և արտադրական ծավալների աճից հնարավոր է աշխատատեղերի թիվը հասցնել 40-ի։ Ծրագրով նախատեսված արտադրանքի ընդհանուր ծավալը տարեկան կկազմի 1 մլրդ 712 մլն  ՀՀ դրամ, որի մի մասը` 749 մլն  ՀՀ դրամի արտադրանքը կիրացվի ՀՀ տարածքում, մյուս մասը` 481,5 մլն  ՀՀ դրամի արտադրանքը, կարտահանվի ՌԴ, մյուս մասը` 481,5 մլն ՀՀ դրամի արտադրանքը` Վրաստան: