«21 ժամը չափազանց շատ է». Թրյուդոյի խոստումը հայերին
Հայաստանի և Կանադայի վարչապետները պայմանավորվել են զարգացնել հարաբերությունները զբոսաշրջության ոլորտում:
Հայաստանը և Կանադան կաշխատեն, որպեսզի հեշտացնեն թռիչքները և դրանք ավելի կարճացնեն: Այս մասին ասաց Կանադայի վարչապետ Ջասթին Թրյուդոն Երևանում հայ գործընկերոջ հետ համատեղ մամուլի ասուլիսի ժամանակ:
«Ես և Նիկոլը քննարկել ենք մեր ապագան, Կանադայի և Հայաստանի միջև հարաբերությունների հետագա զարգացումը: Այսօր Կանադայից Հայաստան թռիչքը և հակառակը խլում է առնվազն 21 ժամ», — ասաց Թրյուդոն:
Նա հաղորդեց նոր համաձայնագրի վերաբերյալ Փաշինյանի հետ պայմանավորվածության մասին, որը կհեշտացնի թռիչքները երկու երկրների քաղաքացիների համար:
Կանադայի վարչապետը բարձր գնահատեց ավելի քան 60 հազար հայերի ավանդը երկրի հաջողության պատմության մեջ: Նրա համոզմամբ՝ նրանք փոփոխում են երկրի պատկերը՝ հարստացնելով այն:
Նա նաև մեջբերեց Կանադայի խորհրդարանում առաջին հայ պատգամավոր Սարգիս Ասատրյանի խոսքերը:
«Ասատրյանն ասել է, որ կանադահայերը շարունակում են իրենց տաղանդը ներդնել Կանադան շենացնելու մեջ: 20 տարի անց դա շարունակում է արդի մնալ», — ասաց Թրյուդոն:
armeniasputnik.am
Հետևեք մեզ Viber-ում
