Հարցին կվերադառնամ ավելի ուշ.Ջասթին Թրյուդոն՝դեսպանատուն բացելու մասին

Հայաստանի իշխանությունները շահագրգռված են ներդրողների համար գրավիչ բիզնես միջավայրի ստեղծմամբ:  Իմ կանադացի գործընկերը բանակցությունների ընթացքում հայտարարել եմ  կանադական ներդրումների ակտիվացմանը նպաստելու պատրաստակամության մասին. Հայաստանում են արդեն կանադական բիզնեսով ընկերություններ,-այս մասին հայտարարեց վարչապետ Նիկոլ Փաշինյանը՝ Կանադայի վարչապետ Ջասթին Թրյուդոյի հետ համատեղ մամուլի ասուլիսի ժամանակ: Փաշինյանը, միաժամանակ, նշեց երկրում ընթացող կոռուպցիայի դեմ պայքարի գործընթացները ճիշտ ներկայացնելու անհրաժեշտությունը: Նա նշեց, որ գործընթացը երբեմն առնչվում է նաեւ արտասահմանյան ընկերություններին. «Սակայն նպատակը ոչ թե ներդրումներին խոչընդոտելն է կամ նույնիսկ ընկերություններին վռնդելը, այլ հակառակը՝ մենք ցանկանում ենք միջավայր ստեղծել, որտեղ բիզնեսը կախված չի լինի պաշտոնյաների քմահաճույքներից, որպեսզի հաշվի առնվեն բնապահպանության հարցերը, որպեսզի բոլորը վստահ լինեն, որ ցանկացած համագործակցություն չի կարող ազգային եւ ժողովրդական շահերից վեր լինել»: Թրյուդոն նշեց, որ կանադացի ձեռնարկատերերը հետաքրքրություն են դրսեւորում տարբեր ուղղություններով՝ ջրային ռեսուրսների կառավարում, ենթակառուցվածքներ, հեղուկ եւ կարծր թափոնների իրացում: Ի պատասխան դեսպանատուն բացելու մասին հարցին՝ Թրյուդոն նշեց, որ դա կախված է բիզնես կապերի զարգացումից եւ մարդկանց միջեւ հարաբերություններից, ապա խոստացավ հարցին վերադառնալ ավելի ուշ: