«Ես ամենաշատ ծաղրի ենթարկված մարդն եմ». Մելանյա Թրամփ

dailymail.co.uk- ը գրում է,որ Միացյալ Նահանգների առաջին տիկին Մելանյա Թրամփն ABC News-ին տված հարցազրույցում խոստովանել է, որ ինքն «աշխարհում ամենաշատ ծաղրի ենթարկված մարդն է»: Քառասունութամյա նախկին մոդելն ասել է, որ ամուսնու՝ Դոնալդ Թրամփի կողմից երկրի նախագահի պաշտոնը ստանձնելուց հետո, ինքը հայտնվել է հաճախակի հարձակումների ու քննադատության թիրախում: «Կարող եմ ասել, որ ես աշխարհում ամենաշատ ծաղրի ենթարկված մարդն եմ: Կարող եք դրանում համոզվել՝ լսելով, թե մարդիկ ինչ են խոսում իմ մասին»,-ասել է տիկին Թրամփը՝ հավելելով, որ ամենօրյա կրած ծաղրի պատճառով որոշել է հանդես գալ «Եղիր լավագույնը» նախաձեռնությամբ, որն ուղղված է ծաղրի դեմ: Տիկին Թրամփը նաև ասել է, որ Սպիտակ տանը ոչ ոքի չի վստահում: