Ո՞վ է վճարել Պավլիկ Մանուկյանի ազատության դիմաց
«Սասնա ծռեր» խմբի անդամ Պավլիկ Մանուկյանի համար դատարանի պահանջած 1 մլն դրամ գրավը վճարվել է այդ նպատակով բացված հիմնադրամին փոխանցված միջոցներից։ Այս մասին Factor.am-ին փոխանցեց «Սասնա Ծռեր» կուսակցության համակարգող խմբի անդամ Սյուզան Սիմոնյանը։ «Այդ գումարը հավաքվել է ողջ ժողովրդի կողմից փոխանցված գումարի շնորհիվ»,- ասաց Սիմոնյանը։ Հիշեցնենք, որ ավելի վաղ հայտնել էիք, որ Պավլիկ Մանուկյանը, որն արդեն երկու տարի գտնվում էր անազատության մեջ, այսօր ազատ է արձակվել։ Դատարանը նրա խափանման միջոց կալանավորումը փոխել էր մեկ մլն դրամ գրավի դիմաց։
Հետևեք մեզ Viber-ում
