5 անձ է բերման ենթարկվել, այդ թվում Միհրան Պողոսյանի թիկնապահներից.մանրամասներ

Ազգային ժողովի ՀՀԿ խմբակցության պատգամավոր Միհրան Պողոսյանի մասնակցությամբ տեղի ունեցած միջադեպի դեպքով 5 անձ բերման է ենթարկվել,Կառավարության նիստից հետո լրագրողների հետ զրույցում ասաց ոստիկանապետ Վալերի Օսիպյանը։Այդ անձինք Միհրան Պողոսյանի եւ Արայիկ Գրիգորյանի թիկնապահներից են եղել։ «Այդ դեպքով նյութեր են նախապատրաստվում, դեպքից ժամեր անց արդեն ունեինք բերման ենթարկվածներ, հինգ հոգի»,– ասաց Վալերի Օսիպյանը։ Նա նաեւ անդրադարձավ վարչապետ Նիկոլ Փաշինյանի այն հայտարարությանը, թե ուժային կառույցները որոշ դեպքերում լավ չեն կատարել իր այն հրահանգը, որ որոշ օլիգարխների եւ նրանց թիկնապահների պետք էր պառկեցնել ասֆալտին` նշելով, որ վարչապետի ցանկացած հրահանգ կատարվում է ճիշտ ժամանակին. «Վարչապետի ցանկացած հանձնարարական կատարում է հստակ, ճիշտ եւ ժամանակին։ Այն ասածը, որ ուժային կառույցները, ապա դրանցից մեկը ոստիկանությունն է, ես ընդունում եմ, որ հնարավոր է՝ ոստիկանները թերացել են, տվել եմ համապատասխան հանձնարարական»։