Երկրում, այո, ատելություն կա

Երկրում, այո, ատելություն կա, և հեղափոխության սիրո ու հանդուրժողականության կոչը այն չի կարողանում նվազեցնել, որովհետև ՀՀԿ-ն ջանք չի խնայում իր ատելությունը հեղափոխության և այն իրականոցնողների դեմ ցուցադրելու և գործնական քայլերով խանգարելու: Հայաստանի հասարակությունը հավաքաբար և Հայաստանի քաղաքացիների մեծամասնությունը անհատապես չափից շատ բան են կորցրել ՀՀԿ-ի այսպես կոչված ՛՛քաղաքականության՛՛, իրականում՝ եսասիրության, անզուսպ թալանի, իշխանության ուզուրպացիայի և թեթևամիտ մեծամտության պատճառով: Երկրում ատելության մթնոլորտը նոր բան չէ, այն կուտակվել է քաղաքացիների նկատմամբ երկար տարիների բռնությունների, արժանապատվության նվաստացման, իրավական անկարողության մթնոլորտի ձևավորմանը համաքայլ և իր ծավալներով համապատասխանում է իշխանություն կոչված ՀՀԿ-ի ՛՛քաղաքականության՛՛ ծավալներին: Պարզապես ՛՛լավ տեղյակ լինել, որ ժողովուրդը դժգոհություններ ունի ու վրդովված է...", ընդունել, որ "ՀՀԿ կողմից եղել են սխալներ, որոնք ստեղծել են իրականում միջավայր, որտեղ քաղաքացիների մոտ կարող են դժգոհություններ լինել" շա~տ մեղմ է ասված այն ամենի մասին, ինչը ժողովորդի մեջ կուտակել է ցավալի ատելության թույնը: Ասեք, խոսեք, տիկին Հովհաննիսյան, ներկայացրեք Ձեր պատկերացումները, թե որոնք են ժողովրդի դժգոհություններն առաջացրած ՛՛ՀՀԿ-ի սխալները՛՛, իրականում՝ հանցագործությունները, և ժողովուրդը կկողմնորոշվի՝ իսկապե՞ս գիտեք, իսկապե՞ս պատկերացնում եք հանրային ատելությունը սնուցած ՛՛սխալները՛՛, և ի՞նչ հետևություններ է արել/անում ՀՀԿ-ն և անձամբ Արփինե Հովհաննիսյանը դրանից: Իսկ առայժմ ժողովուրդը տեսնում է այլ բան՝ ՀՀԿ-ի կարկառունների ատելությունը իր պաշտպանած հեղափոխության և իր նկատմամբ: Ատելությունն է փոխադարձ ատելություն ծնում: ՀՀԿ-ի ատելությունը Հայաստանի ժողովրդի նկատմամբ ծնում է ժողովրդի ատելությունը ՀՀԿ-ի նկատմամբ, Ժողովրդի ատելությունը ՀՀԿ-ի նկատմամբ բորբոքում է ՀՀԿ-ի ատելությունը ժողովորդի նկատմամբ: Խոհեմ եղեք, նվազեցրեք Հայաստանի ժողովրդի նկատմամբ ձեր ատելության ծավալները, համապատասխանաբար կնվազեն նաև ժողովրդի ատելության ծավալները ՀՀԿ-ի նկատմամբ: Քայլը դու՛ք պիտի անեք: Կարո՞ղ եք: Հրանուշ Խառատյանի ֆեյսբուքյան էջից