«Հեռանալ՝ մնալու համար». Gazeta

Gazeta-ն, անդրադառնալով  երեկ ՀՀ ԱԺ շենքի պաշարմանն ու արտահերթ խորհրդարանական ընտրություններ անցկացնելուն,գրում է, որ Հայաստանում բողոքի հերթական ալիքը բարձրացավ, երբ վարչապետ Նիկոլ Փաշինյանը հայտարարեց առաջիկա հրաժարականի մասին՝   նշելով, որ կվերընտրվի արտահերթ ընտրություններին: «Հոկտեմբերի 2-ի երեկոյան վարչապետ Փաշինյանի աջակիցները շրջափակել էին խորհրդարանի շենքը՝ բողոքելով օրենսդրական փոփոխությունների դեմ: Փաշինյանի խոսքով՝ այդ քայլով նա չի ցանկանում ցույց տալ, որ կառչած է պաշտոնից, այլ ցանկանում է ընտրվել արդեն արտահերթ խորհրդարանական ընտրությունների արդյունքներով»,- ասվում է հոդվածում: «Նիկոլ Փաշինյանը գնացել է Ազգային ժողով՝ բանակցելու խորհրդարանական ուժերի հետ և ավելի ուշ հայտարարել,որ այդ ուժերը բանավոր ասացին, որ առանց հուշագիր ստորագրելու էլ իրենք թեկնածու չեն առաջադրելու: Ես այդպես եմ ընկալել, թե իրենք հետո ուրիշ մեկնաբանություններ կտան այսօրվա բանակցություններին, դա ժամանակը ցույց կտա: Հայաստանում չկան և չեն կարող լինել փակ դռներ»,գրում է աղբյուրը: Պարբերականն առանձնահատուկ ուշադրություն է հատկացնում ապագայի նկատմամբ Նիկոլ Փաշինյանի վստահությանը՝ գրելով, որ օրեր առաջ նա հույս է հայտնել, որ ՌԴ նախագահ Վլադիմիր Պուտինը կայցելի Հայաստան: «Կարծում եմ՝ ճիշտ կլինի, եթե այցը կայանա մյուս տարի: Ինչո՞ւ, որպեսզի այցի ընթացքում համաձայնագրեր նախապատրաստվեն, փաստաթղթեր ստորագրվեն»,- պարբերականը մեջբերում է Նիկոլ Փաշինյանի՝ օրեր առաջ արված հայտարարությունը: Gazeta-ն հայաստանյան վերջին իրադարձությունների մասին հոդվածում հիշեցնում է նաև ՀՀ պաշտպանության նախարար Դավիթ Տոնոյանի հայտարարությունը, որում ասվում էր, որ Հայաստանը Ռուսաստանի հետ քննարկում է նոր ռազմական վարկի տրամադրման հնարավորությունը, որը կկազմի 100 միլիոն դոլար: