Չէր կարելի այսպիսի բան անել, սա արդեն պետության դեմ է. Արամ Սարգսյան
Իրադարձությունների այսպիսի զարգացումը սպասելի չէր։ Այս մասին այսօր՝ հոկտեմբերի 2-ին, լրագրողների հետ զրույցում ասել է «Ելք» խմբակցության պատգամավոր Արամ Սարգսյանը։ «Ամեն դեպքում, ինչ էլ, որ արվել է, շատ վատ ժամանակ է ընտրվել, որովհետև առջևում Ֆրանկոֆոնիայի գագաթաժողովն է։ Չէր կարելի այսպիսի բան անել, սա արդեն պետության դեմ է։ Հիմա պետք է փորձել խնդիրը լուծել այնպես, որ վարչապետի ասած գործընթացները տեղի ունենան Ֆրանկոֆոնիայից և Շառլ Ազնավուրի հուղարկավարությունից հետո, որից հետո իրենք իրենց ճանապարհով, մենք՝ մեր ճանապարհով: Ես ժամը 4-ին չեմ էլ մնացել ԱԺ–ում, գնացել եմ Արարատ, այնտեղից եմ լսել, հետ եմ եկել»,–նշել է նա։ Ըստ Սարգսյանի, վարչապետն արդեն հայտնել է իր տեսակետը և հենց այդ սխեմայով պետք է առաջ գնալ․ «Քվեարկել են՝ լավ են արել, այդ քվեարկությունից հետո վարչապետն իր տեսակետն ասաց և այդ սխեմայով պետք է գնալ, ուղղակի ես կարծում եմ, որ այդ սխեման պետք է աշխատի Ֆրանկոֆոնիայից հետո, այսինքն՝ այսօր պետք է այդ երեք խմբակցության հետ լեզու գտնվի,պետք է ասել՝ ընկերներ, այն, ինչ-որ կա, քաղաքական լուծման խնդիր ունի և քաղաքական լուծումն այսպիսինն է։ Եվ դրանից հետո աշխատանքից ազատված նախարարների տեղը նշանակվում են նոր նախարարներ, որից հետո Նիկոլ Փաշինյանը հրաժարական է տալիս և այդ սխեմայով գնում ենք առաջ»։
Հետևեք մեզ Viber-ում
