«Հեռացար հենց Երաժշտության համաշխարհային օրը». Կարեն Քոչարյան
Հաղորդավար Կարեն Քոչարյանը ֆեյսբուքյան իր էջում գրել է. «Անհնար է նկարագրել այն զգացմունքները, որոնք պատել են ամբողջ աշխարը: Այոʹ, այոʹ չեմ չափազանցնում ամբողջ աշխարը սգում է հռչակավոր, հանճարեղ Մարդու և Արվեստագետի կորուստը: Բախտ եմ ունեցել դեռ 1989 թվականի մայիսի 5-ին կանգնել նրա հետ նույն բեմում, պատիվ եմ ունեցել ներկայացնել նրան: Սակայն այդ օրը նա դուրս եկավ բեմ և չերգեց, խոստանալով, որ Հայաստանում նա կերգի, երբ աղետի գոտին փոքր-ինչ բարվոք վիճակում լինի: Տարիներ անց նա երգեց, երգեց օպերային թատրոնում: Ես հետևում էի համերգին կուլիսներից: Ամեն անգամ երգից հետո նա դուրս էր գալիս կուլիսներ, սրբում քրտինքն ու վերադառնում: Հետևել նրա աշխատանքին կուլիսներից անկրագրելի տեսարան էր: Այսօր Երևանի փողոցները լցվել են քո երգերով: Վերջին համերգին ասացիր, որ երգելու ես մինչև 100 տարեկան, իսկ ապրելու ես` 120: Քիչ է... Դու ապրելու ու երգելու ես հավերժ և հարյուրամյակներ անց քեզ չեն մոռանա, ինչպես այսօր հավերժ ապրում է Նարեկացին, Քուչակը, Ներսես Շնորհալին ու Մաշտոցը... Աստված հոգիդ լույսերի մեջ պահի մեր սիրելի Շառլ, ափսոս, որ մոտակա հանդիպումը քեզ հետ այդպես էլ չկայացավ: Դու պաշտում էիր երաժշտությունը և հեռացար հենց Երաժշտության համաշխարհային օրը»:
Հետևեք մեզ Viber-ում
