Ներվը պետք է հանել բանակցություններից ու քիչ արտահոսքեր տալ. Աշոտյան
«Ակնհայտ է, որ նման քննարկումների անհրաժեշտություն կա:Վահրամ Բաղդասարյանը, վստահաբար, չի գնացել այդ հանդիպմանը, որպեսզի Նիկոլ Փաշինյանին լրացուցիչ էմոցիաներ և ժպիտներ պարգևի, Նիկոլ Փաշինյանն էլ չի եկել այդ հանդիպմանը, որպեսզի Վահրամ Բաղդասարյանը հեռանա մի գավաթ սուրճից հետո բարձր տրամադրությամբ,-ասաց բանախոսը՝ հավելելով,- սա ռեալիթի շոու չէր և նպատակը ոչ թե պրոցեսն է, այլ՝ արդյունքը»,-Խորհրդարանում լրագրողների հետ զրույցում ՀՀԿ-ական պատգամավոր Արմեն Աշոտյանն անդրադարձավ երեկվա Փաշինյան-Բաղդասարյան հանդիպմանը: «Ներվը պետք է հանել բանակցություններից ու քիչ արտահոսքեր տալ, թե ինչ է խոսվել։ Մի դետալը կարող է մեկին ձեռք տալ, մյուսը՝ մեկին: Բայց այդ դետալը դուրս հանելով՝ դու հարվածի տակ ես դնում ջենթլմենական պայմանավորվածությունը, որը կարող է ձեռք բերվել: Ես բարձր եմ գնահատում և՛ Վահրամի, և՛ Նիկոլի երեկվա պահվածքը, որ նրանք զերծ մնացին ամբողջությամբ հանրայնացնելու խոսակցությունը», – նկատեց Աշոտյանը։ Արտահերթ խորհրդարանական ընտրությունների պատճառը, ըստ Աշոտյանի, այն է, որ վարչապետը մտահոգություններ ունի՝ երբ Սահմանադրական իր իմունիտետն սպառվի մայիսի 9-ին, նա ԱԺ-ում կարող է ստանալ անվստահության քվե։
Հետևեք մեզ Viber-ում
