ԵՊՀ պրոֆեսոր Թաթուլ Մանասերյանի կեղծած իրական «ԶՐՊԱՐՏԱԳՐԻ» հետքերով. նկարներ

Ստեղծված իրավիճակին ավելի մանրամասն ծանոթանալու նպատակով այցելեցինք ֆակուլտետ և փորձեցինք անձամբ մասնակցել պրոֆդասախոսական կազմի կողմից կազմակերպված ինքնաբուխ հավաքին:

Քննարկմանը ներկա էր դիմումը ստորագրած պրոֆեսորներից միայն մեկը, որը իր ելույթում անձամբ նշեց, որ սխալվել է ՝ ստորագրելով տվյալ փաստաթուղթը.

Մասնավորապես պրոֆեսոր Միաքայելյանը նշում է .

Մանասերյանին ասացի՝տուր կարդամ, ասաց թե ինձ չես վստահում, ես էլ զգալով, որ վիրավորվում է, հավատացի և առանց կարդալու ստորագրեցի:

Մյուս պրոֆեսորը ՝ Թորոս Թորոսյանը, այդ ընթացքում քաղաքում չի եղել և ընդհանրապես տեղյակ չէ դիմումից, սակայն նրա ստորագրությունը ևս հայնվել է դիմումը ստորագրած 4 պրոֆեսորների կազմում: Պրոֆեսոր Հովսեփյանը նույնպես հրաժարվում է և նշում, որ ինքը ևս տեղյակ չէ դիմումից: Ստացվում է, որ պրոֆեսոր Մանասերյանը կեղծել է մյուս 3 պրոֆեսորների ստորագրությունը և այդ նամակով խախտել է ոչ միայն պրոֆեսոր Սարգսյանի այլ նաև ամբողջ ֆակուլտետի աշխատակիցների իրավունքները, հատկապես ֆակուլտետում աշխատող կանանց իրավունքները, քանի որ կետերից մեկում Ֆակուլտետի կանանց և աղջիկներին նա հիշատակել է որպես դեկանի սիրուհիներ:

Այդ հարցի վերաբերյալ ելույթ ունեցավ Ֆակուլտետի փոխդեկան՝ Գոհար Բարխուդարյանը.

Իր խոսքում նա նշեց.

-Նամակում գրված են վիրավորական խոսքեր ֆակուլտետի կանանց հասցեին, հատկապես Գիտական խորհրդի անդամ կանանց հասցեին: Եվ ո՞վ է Ձեզ տվել իրավունք վիրավորել ֆակուլտետի կանանց և աղջիկներին: Պարոն Մանասերյանն ասում է, որ բոլոր վիրավորողներին պետք է տեղը դնել .հիմա ֆակուլտետի կանայք ուզում են Ձեզ տեղը դնել, ասացեք` ինչպե՞ս տեղը դնել Ձեզ: Կամ այդ կանանց հայրերը ամուսինները, եղբայրերն են ուզում Ձեզ տեղը դնել, ցույց կտա՞ք ինչպես: Չի կարելի հեղինակազրկել ֆակուլտետը: Շարունակելով ելույթը փոխդեկան Բարխուդսրյանն ավելացրեց.

-Պարոն Մանասերյանը նշում էր, որ ֆակուլտետում կաշառակերության բարձր մակարդակ կա, Պարոն Մանասերյան, և դուք պարոն Միքայելյան և էլի շատ մարդիկ դիմել են ինչ-ինչ ուսանողներին աջակցելու համար .Դուք կաշառք վերցրել եք դրա համար: Ես չեմ վերցրել դրա համար կաշառք: Եվ չի կարելի այսպիսի հայտարարություններով վիրավորել ոչ պակաս հեղինակավոր մարդկանց:

Ֆակուլտետային Ժողովի ընթացքում իրենց ելույթներով հանդես եկան նաև ֆակուլտետում գործող ամբիոնների վարիչները, նաև մի շարք պրոֆեսորներ, կամ ինչպես պրոֆեսոր Միքաելյանն իրեն առանձնացնացրեց այդ շարքից՝ «հասարակ» դասախոսներ:

Ֆինանսահաշվային ամբիոնի վարիչ ՝ Հայկ Մնացականյանն նշեց.որ խնդիրներ իհարկե կան, բայց խնդիրներից պետք չէ փախչել և դրանք պետք է լուծել: Անդրադառնալով այն հարցին, թե ֆակուլտետի դեկանն հայոյանքներով է խոսում աշխատակիցների հետ, Հայկ Մնացականյանն ասաց.

- Երբևիցե չեմ լսել, որ դեկանը հայոյանքով խոսի, եթե որևիցե մեկդ լսել եք միգուցե գաք ասեք: Ինչ եմ ուզում ասել, յուրաքանչյուրն ինքն է թույլ տալիս դիմացինն, ինչպես խոսի իր հետ:

Տգեղ է, երբ անձնականը առաջ տանելու համար օգտագործում են կոլեկտիվի անունը:

Իր ելույթում Կառավարման և Գործարարության ամբիոնի վարիչ Կառլեն Խաչատրյանն հավելեց.

-Դժվար թե նյութի հեղինակն այստեղ լինելով այդքան համարձակություն ունենար ասել, որ մենք ստրուկ ենք: Այստեղ է կոլեկտիվի մեծ մասը, եթե կան մարդիկ ովքեր դժգոհ են, կարող են բարձրաձայնել: Սխալ է, անձնական ամբիցիաներից ելնելով, կոլեկտիվին որակել որպես վախկոտներ, կարծիք չունեցողներ: ԿԳ Նախարարությունից ժամանած ստուգողների ներկայությամբ, պարոն Մանասերյանի հետ զրույցում պարզ դարձավ, որ որոշ կետեր ինքը չի գրել և դրանց հետ համաձայն էլ չէ, այս դիրքորոշումը ևս պարզ չէ. նշեց պարոն Խաչատրյանը: Հանդիպման վերջում ներկայացվեց հայտարարություն, որն առնչվում էր tert.am ում պրոֆեսոր Թաթուլ Մանասերյանի մասնակցությամբ տեսանյութին.

Հայտարարությունում ասվում է.

Տնտեսագիտության և կառավարման ֆակուլտետը երբևէ առաջատարներից մեկն է և նրա արգասաբեր գործունեության ընթացքում չեն կարող չլինել թերություններ և անկատարություններ: Ֆակուլտետի Պրոֆդասախոսական կազմը դեկան պրոֆեսոր Հայկ Սարգսյանի ղեկավարությամբ իր գործունեությամբ և ամենօրյա աշխատանքով լուծում է առաջացող խնդիրները: Ֆակուլտետում տեղի են ունենում բարեփոխումներ ՝ինչպես կառուցվածքային այնպես էլ բովանդակային առումներով: Օպտիմալացմանը ուղղված կառուցվածքային փոփոխությունները առաջացնում են ոմանց դժգոհությունը, իսկ ոմանք էլ անձնական շահն են առաջ տանում և դիմում զրպարտության: Այս երևույթը դատապարտելի է: Այդ իսկ պատճառով կոչ ենք անում ֆակուլտետի ճակատագրով մտահոգված բոլոր անձանց լինել սթափ, օբյեկտիվ իրենց գնահատականներում և զերծ մնալ ֆակուլտետի բարի համբավը վարկաբեկելու գործողությունից: Հայտարարությանը կողմ բոլոր աշխատակիցները կնքնեցին այն իրենց ստորագրությամբ, և ի զարմանս մեզ, նրանց թիվը ոչ թե 4 +20 (անանուն) էր, այլ 6 տասնյակից ավելի: Հետևությունները թողնում ենք Ձեզ...