ԲԱՑԱՌԻԿ ՏԵՍԱՆՅՈՒԹ՝ Կոտայքի մարզում տեղի ունեցած խոշոր ու ողբերգական ավտովթարից. Opel-ը վարել է Վահան գյուղի գյուղապետը. ՖՈՏՈՌԵՊՈՐՏԱԺ, ՏԵՍԱՆՅՈՒԹ

SHAMSHYAN.com-ը ներկայացնում է տեսանյութ՝ ինչպես է տեղի ունեցել երեկ՝ սեպտեմբերի 28-ին, Կոտայքի մարզում խոշոր ու ողբերգական՝ մահվան ելքով ավտովթարը։ Տեսանյութում ակնհայտ երևում է, որ Volkswagen-ն ու Opel-ը դեպի Երևան ընթանալիս՝ ինչպես է մեկ այլ՝ Mitsubishi մակնիշի ավտոմեքենան վթարային իրավիճակ ստեղծում նշված ավտոմեքենաների համար, որից հետո, հավանաբար, Volkswagen-ի վարորդը, չկարողանալով տիրապետել ավտոմեքենայի կառավարմանը, բախվում է Opel-ին, ինչն էլ դառնում է ավտովթարի պատճառ։ Ինչպես ավելի վաղ դեպքի վայրից հայտնել էր ֆոտոլրագրողը, երեկ՝ սեպտեմբերի 28-ին, խոշոր ու ողբերգական ավտովթար էր տեղի ունեցել Կոտայքի մարզում։ Ժամը 08։50-ի սահմաններում Երևան-Սևան ավտոճանապարհի 20-րդ կմ հատվածում բախվել էին Volkswagen Jetta մակնիշի 20 ՕՏ 724 համարանիշի և Opel Zafira մակնիշի 35 CS 623 համարանիշի ավտոմեքենաները։ Վթարի հետևանքով 1 հոգի մահացել էր, 5 հոգի մարմնական վնասվածքներով տեղափոխվել էին «Աբովյան» բժշկական կենտրոն։ Ֆոտոլրագրողը հայտնեել էր, որ բախման հետևանքով Volkswagen-ը բախվել էր ճանապարհի երկաթե արգելապատնեշներին և մոտ 20 մետր առաջ ընթանալով՝ հայտնվել ձորում։ Դեպքի վայր էին ժամանել ճանապարհային ոստիկանության 2-րդ սպայական գումարտակի 3-րդ վաշտի 1-ին դասակի ծառայողները՝ վաշտի հրամանատար Արթուր Պետրոսյանի, դասակի հրամանատար Տիգրան Քոթանջյանի գլխավորությամբ։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Յուրա Հովհաննիսյանը տեղեկությունը փոխանցել էր ոստիկանության Կոտայքի բաժին, որտեղից ժամանել էր օպերատիվ խումբը՝ բաժնի պետ Հովհաննես Մարտիրոսյանի գլխավորությամբ։ Դեպքի վայր էին ժամանել Հայաստանի քննչական կոմիտեի Կոտայքի մարզային քննչական վարչության խումբը՝ վարչության պետ, արդարադատության գնդապետ Մհեր Վարդանյանի գլխավորությամբ։ Վթարի վայրում զննություն էին կատարել նույն քննչական վարչության Աբովյանի քննչական բաժնի քննիչները՝ բաժնի պետ Արմեն Խաչատրյանի և հատկապես կարևոր գործերով ավագ քննիչներ Սոս Սեդրակյանի և Տիգրան Բաղյանի գլխավորությամբ։ Տեղում քննչական աշխատանքները ղեկավարում էր քննչական բաժնի ավագ քննիչ Վիգեն Մարգարյանը, ում որոշմամբ փաստի առթիվ հարուցվել էր քրեական գործ՝ ՀՀ քր.օր.-ի 242 հոդվածի 2-րդ մասի հատկանիշներով։ Ոստիկանությունն ու քննչական բաժինը պարզում էին վարորդների, մահացածի և վիրավորների ինքնությունը։ Դեպքի վայր էր ժամանել նաև Կոտայքի մարզպետ Ռոմանոս Պետրոսյանը։ Դեպքի վայրում հավաքվածներն էլ ասլ էին, որ Opel-ը վարել էր Գեղարքունիքի մարզի Վահան գյուղի գյուղապետը, իսկ մահացածը նրա աներձագի կինն է եղել։ Ավելի ուշ ֆոտոլրագրողը հայտնել էր, որ Կոտայքի մարզի ոստիկաններն ու քննիչները պարզել էին՝ Opel-ը վարել էր Գեղարքունիքի մարզի Վահան գյուղի բնակիչ՝ նույն գյուղի համայնքի ղեկավար, 46-ամյա Արշակ Մկրտչյանը, իսկ Volkswagen-ը վարել էր Գեղարքունիքի մարզի Գագարին ավանի բնակիչ՝ 50-ամյա Մուրադ Մուրադյանը։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները և տեսանյութը՝ Գագիկ Շամշյանի