Ինչու՞ է կրճատվել ԵՊՀ տնտեսագիտական ֆակուլտետի դասախոսներից շատերի ժամերը. (video)

Տնտեսագիտության դոկտոր, պրոֆեսոր Թաթուլ Մանասերյանի խոսքով, հաշվի առնելով ԵՊՀ տնտեսագիտական ֆակուլտետում առկա կոռուպցիոն փաստերը, դասախոսներընամակով դիմել են նախարարությունը և հայցում են աջակցությունը՝ ԵՊՀ ՏԿ ֆակուլտետում վերականգնելու օրինականությունը և ուսումնական գործընթացի նորմալ ընթացքը՝ դեկանին ապօրինի զբաղեցրած պաշտոնից ազատելու և նոր ընտրություններ կազմակերպելու միջոցով: Այս առիթով  ԵՊՀ տնտեսագիտության և կառավարման ֆակուլտետում գումարվեց կոլեկտիվի ժողով՝ ֆակուլտետի շուրջ ստեղծված իրավիճակը քննարկելու նպատակով: Հատուկ հրավիրվել էին հիշյալ դիմումի չորս ստորագրողները, բայց ներկայացավ միայն Մ.Միքայելյանը: Վերջինս ելույթով հանդես եկավ, որի ժամանակ նախ ներողություն խնդրեց դասախոսներից, որ նախապես չի ծանոթացել նամակի բովանդակությանը. «Հավատալով Թաթուլ Մանասերյանին և նրան նեղացնելու միտում չունենալով, ես պարզապես ստորագրեցի այդ նամակի տակ: Միայն հետագայում իմացա նամակի բովանդակությունը և հետ վերցրեցի իմ ստորագրությունը»: Սակայն դասախոսը չժխտեց, որ ֆակուլտետում առկա են մի շարք խնդիրներ, մասնավորապես դասաժամերի բաշխման խնդիրը. «Ինձ մի բան է հետաքրքրում՝ ինչու՞ են ինձ հատկացրել զրո ժամ: Ես կարծում եմ՝ դեկանին դուր չէր եկել, որ ես ժամանակին իմ թեկնածությունն առաջադրել էի դեկանի պաշտոնում»: Մանրամասները՝ տեսանյութում.