Որոշում է կայացվել ազգային փոքրամասնություններին ընտրացուցակներում ընդգրկելու պարտադիր նորմը հանել

«Ժողովուրդ»–ը գրում է.«Այս օրերին քննարկվող ՀՀ ընտրական օրենսգրքի նախագծով նախատեսվում է, որ Հայաստանում առավել մեծ համայնք ունեցող չորս ազգային փոքրամասնությունների՝ եզդիների, ռուսների, ասորիների և քրդերի ներկայացուցիչները պարտադիր պետք Է ընդգրկված լինեն քաղաքական ուժերի համամասնական ցուցակներում։ Եթե ոչ, ապա կուսակցությունը կարող Է չգրանցվել ԿԸՀ-ի կողմից։ «Ժողովուրդ»–ն արդեն ահազանգել Էր այս խնդրի մասին՝արձանագրելով, որ պարտադիր այս նորմը, եթե ընդունվի, ընդդիմադիր կուսակցությունների համար կարող է պատուհաս դառնալ, քանի որ ՀՀ-ում բնակվող ազգային փոքրամասնությունների ներկայացուցիչները մշտապես քաղաքական առումով չեզոքություն են պահպանում և դժվար թե համաձայնեն ընդդիմադիր որևէ կուսակցությունում ընդգրկվել։ «Ժողովուրդ»–ի հետ զրույցում ՀՀ Աժ պետաիրավական հարցերի մշտական հանձնաժողովի նախագահ Հովհաննես Սահակյանն ասաց, որ քննարկումների ժամանակ որոշում է կայացվել ազգային փոքրամասնություններին ընտրացուցակներում ընդգրկելու պարտադիր նորմը հանել։ Կթողնվի հայեցողական, քաղաքական որ ուժը ցանկանա ազգային փոքրամասնության որևէ ներկայացուցչի ընդգրկել իր ցուցակում, կարող է անել։ «Համենայնդեպս դա չի կարող կուսակցությունների գրանցման համար խոչընդոտ հանդիսանալ»,– տեղեկացրեց Հովհաննես Սահակյանը»,–գրում է թերթը։   Մանրամասները՝ թերթի այսօրվա համարում։