Ստամբուլում բացվելու է 1895-1914թթ. հայերի կյանքը ներկայացնող ցուցահանդես
Ստամբուլում ապրիլի 6-ին ցուցահանդես է բացվելու, որը կներկայացնի «թուրքերի և հայերի 800-ամյա համատեղ մշակույթը»:
Այս մասին տեղեկացնում է ermenihaber.am-ը:
Թուրքական «haberstar» լրատվական կայքը գրում է, որ ցուցահանդեսն իրականացնում է Թուրքիայի արտգործնախարարությունը: «Ոչ թե մոռանալու, այլ հիշելու ժամանակը» խորագրի ներքո անցկացվող ցուցահանդեսի ժամանակ կներկայացվեն 1895-1914թթ. տպագրված և Ստամբուլում ու Անատոլիայում հայերի կենցաղը նկարագրող ավելի քան 4000 բացիկներ և Օսմանյան արխիվային փաստաթղթեր: Բացիկները տրամադրվել են Օրլանդո Կարլո Կալումենոյի կողմից, որին պատկանում է օսմանյան բացիկների ամենամեծ արխիվը: Ցուցահանդեսի բացումը տեղի կունենա ապրիլի 6-ին ճարտարապետ Սինանի անվան գեղարվեսի համալսարանում: Բացմանը ելույթ կուենան Թուրքիայում հայտնի հայ երաժիշտ Արա Դինքջյանը և Ստամբուլի թուրքական պետական համույթը: Ցուցահանդեսը բաց կլինի մինչև ապրիլի 29-ը:
Հետևեք մեզ Viber-ում
