Век живи, век учись.Նիկոլ Փաշինյան

«Խնդիրները շատ են, բայց փոքր քայլերով պետք է արագություն հավաքենք և մեծ խնդիրները լուծենք:Ինչպես հեղափոխությունն իրականացվեց «իմ քայլով», այնպես էլ տնտեսական, սոցիալական խնդիրները պետք է լուծվեն «իմ քայլը» սկզբունքով։Այժմ տնտեսական հեղափոխության ժամանակն է:  Ամենապրիմիտիվ բանն եմ ասում՝ մենք պետք է չհանդուրժենք աղբը մեր փողոցներում։ Այսօր մենք պետք է հեղափոխություն անենք տնտեսությունում, կրթությունում։ Այսօր ես ֆրանսերեն եմ սովորում, այսօր ամեն մեկը պետք է սովորի, կատարելագործվի։ Век живи, век учись, սենց բան կա»,- այսօր Երասխ համայնքի դպրոցում շրջայցից հետո բնակիչներին ասաց ՀՀ վարչապետ Նիկոլ Փաշինյանը: Համայնքի ղեկավար Ռադիկ Օղիկյանը նշեց, որ կառավարության սեպտեմբերի 6-ի որոշմամբ հատկացված միջոցներով պետք է վերանորոգեն դպրոցի մասնաշենքը և առաջին հարկը դարձնեն մանկապարտեզ։ Անցած ժամանակաշրջանում վերանորգվել է ճաշարանը, և «Դպրոցական կայուն սնունդ» ծրագրով տարրական դասարանների աշակերտներին սնունդ է տրվում։ Ուսուցիչներից մեկը շնորհակալություն հայտնեց Նիկոլ Փաշինյանին: «Էդ ազատությունը դուք եք նվաճել, ինձ շնորհակալություն հայտնելու կարիք չկա,- պատասխանեց Ն. Փաշինյանը և հավելեց,- Եթե ես ավտոբուսի տակ չպառկեի, դուք ճանապարհ չփակեիք, չէր ստացվի։ Սա կոլեկտիվ, թիմային աշխատանք է, ամեն մեկն իր գործը պետք է անի»։ «Մասնագետների խնդիր կա երկրում, և դպրոցներում երեխաները պետք է գիտելիք ստանան։Բոնբոներկա տալը Հայաստանում էլ չի անցնելու։ Օրագրի մեջ սխալ գնահատական դնողը նրա ապագան է գողանում»,- ասաց Ն.Փաշինյանը։