Հենրիխ Մխիթարյան. Արսենալը կփորձի հաղթել ԵԼ-ում
Հայաստանի հավաքականի և Լոնդոնի «Արսենալի» կիսապաշտպան Հենրիխ Մխիթարյանը մեկնաբանել է Եվրոպա լիգայի խմբային փուլի առաջին տուրում «Վորսկլայի» նկատմամբ տոնած տնային հաղթանակը (4:2). «Կարևոր հաղթանակ տարանք: Երկրորդ կեսում մեզ համար մի փոքր ավելի բարդ էր, բայց լավ է, որ մենք գոլ խփեցինք մինչև ընդմիջում: «Վորսկլայում» ընկերներ ունեմ, բայց խաղի ժամանակ ես մոռացել էի այդ մասին: Հիմա կարող ենք նստել ու խոսել իրար հետ: Էմերին երեք անգամ հաղթել է այս մրցաշարում, և դա շատ կարևոր է «Արսենալի» համար, քանի որ մենք այստեղ խաղում ենք ոչ միայն մասնակցության, այլև` հաղթանակի համար: Սա շատ կարևոր է, քանի որ եթե հաղթենք, Չեմպիոնների լիգայում հանդես գալու իրավունք կունենանք, այդ իսկ պատճառով կփորձենք հաղթել յուրաքանչյուր խաղում»,- Մխիթարյանի խոսքերն է փոխանցում լոնդոնյան ակումբի պաշտոնական կայքը:
Հետևեք մեզ Viber-ում
