«Մեր երկիրը մոլորյալների և արկածախնդիրների համար չէ». Հովհաննես Վարդանյան
Արաբկիր վարչական շրջանի ղեկավար Հովհաննես Վարդանյանը, որպես երկրի մտահոգ քաղաքացի և վարչական շրջանի հոգատար ղեկավար, մեծապես կարևորում է մայրաքաղաքի ավագանու առաջիկա ընտրությունը և դրա արդյունքը : Նախընտրական քարոզարշավի ընթացքի, քաղաքական ուժերի նախընտրական ծրագրերի թեմայի շուրջ Slaq.am-ը զրուցել է Հովհաննես Վարդանյանի հետ: Թե իրականում ինչպե՞ս է գնահատում նախընտրական պատկերը մայրաքաղաքում , մեր զրուցակիցը նշեց.
- Թեև այս օրերին քաղաքական գործիչներն արդեն գնահատականներ տվել են, ամեն դեպքում կարծում եմ , որ ոչ թե քաղաքային ծրագրեր են ներկայացվում, այլ, մեծ առումով, քաղաքական քարոզչություն է իրականացվում: Մայրաքաղաքային նախընտրական քարոզարշավը շատ է քաղաքականացվում, այնինչ մենք պետք է այսօր քաղաքային ծրագրերի մասին լսենք, մեր անելիքների մասին խոսենք՝ չարածը լրացնելու առումով, կամ ինչի հիմքը որ դրվել է, դրա շարունակությունը պետք է կատարենք: Այն, ինչ հիմա կատարվում է իմ համար անհասկանալի է : Այսօր բոլոր ոլորտներում մենք խնդիր ունենք՝ սոցիակալան , առողջապահական , կոմունալ ծառայության , քաղաքաշինության. եկեք այդ խնդիրների լուծումներից խոսենք, թե՝ ոնց ենք պատկերացնում այդ լուծումները: Երևանցու հոգսերը թոթափող՝ բուն թեմաներից եկեք խոսենք:
- Պարոն Վարդանյան Դուք ծանոթացել եք ընտրությանը մասնակից ուժերի ծրագրերին, ո՞ր թեկնածուի կամ ո՞ր քաղաքական ուժի առաջադրած թեկնածուի ծրագիրն է առավել իրատեսական՝ Երևանի և երևանցիների խնդիրները լուծելու առումով.
- Նախ առաջինը պետք է տեսնենք, որ թեկնածուն է ավելի սթափ և լրջախոհ , նոր դրանից հետո ուսումնասիրենք նրա ծրագիրը: Բարձր եմ գնահատում մեր՝ ՀՅԴ քաղաքապետի թեկնածու Միքայել Մանուկյանի ծրագրերն ու հնարավորությունները, որը ներկայացնում է մեր քաղաքական թիմը:
Ի դեպ Դաշնակցությունն ունի արհեստավարժ թիմ , բոլորն էլ բանիմաց են, գրագետ, տարբեր ոլորտներում հմտացած մասնագետներ են, ովքեր կարող են իրենց փորձով օգտակար լինեն Երևանին ու երևանցիներին: խոսելու ժամանակը վաղուց անցել է, հիմա պետք է գործով զբաղվել: Նաև սփյուռքում ունենք շատ դաշնակցական նեկայացուցիչներ , ունենք քաղաքապետեր տարբեր երկրներում, ովքեր ցանկություն են հայտնել, որ մեր թեկնածուի հաղթանակի դեպքում, համագործակցության հուշագրեր կստորագրեն, ներդրումներ կանեն:
Միքայել Մանուկյանն իմ վաղեմի ընկերն է, մեր ընկերությունը ձևավորվել է փոխադարձ վստահության վրա. լավագույն հայ մարդու տեսակ է , երկիր և պետություն սիրող հայ է , ընտանիք և ընկեր սիրող մարդ է և ամենակարևորը՝ լրջախոհ և հավատքով ապրող է: Միքայել Մանուկյանի հետ նաև մարտական ճանապարհ ենք անցել, նա ազատամարտիկ է , արցախյան ազատամարտի տարիներին եղել է հրամանատարական կազմում և ապրիլյան քառօրյա պատերազմի ժամանակ առաջիններից էր, ով կազմավորելով ջոկատ՝ միասին մեկնեցինք Թալիշ: Կարծում եմ, որ քաղաքապետը պետք է նաև ռազմական գործից տեղյակ լինի, որպեսզի պատերազմական չնախատեսված իրավիճակներում կարողանա համախմբել , մոբիլիզացնելքաղաքացիներին:
- Պարոն Վարդանյան վերջին շրջանում շատ է թմկահարվում՝ ժողովրդին «սևերի»-ի ու «սպիտակներ»-ի բաժանելու մասին: Ընդունելի՞ մոտեցում է.
- Այսօր մեր հասարակությանը «սև»-ի ու «սպիտակ»-ի բաժանելը, տարանջատելը թշնամուն հոգեհարազատ ծրագիր է: Ցանկացած մարտահրավեր կարող ենք հաղթահարել միայն համախմբված ու միասնական ուժով: Մեր երկրի, մեր ազգի փրկությունը մեր միասնության մեջ է , համայն հայության համախմբվածության մեջ է: Այսօր մենք աշխարհում ամենահզոր ռեսուրսն ունենք, դա աշխարհով մեկ սփռված մեր ժողովուրդն է: Այնպես որ մեր երկիրը մոլորյալների և արկածախնդիրների համար չէ: Իմ համար անընդունելի է նաև՝ պետության արժեհամակարգը , անվտանգության հիմքերը խարխլող ցանկացած դրսևորում՝ ԼԳՏԲ , աղանդավորական, հակապետական քարոզչությունը:
-Որպես վարչական շրջանի ղեկավար , աշխատանքում, Ձեր գործունեության մեջ ի՞նչ սկզբունքով եք առաջնորդվում:
- Արդար և թափանցիկ սկզբունքով, իսկ եթե ինչ որ խնդիր էլ չեմ կարողանում լուծել, կարող եմ ազնիվ գտնվել և մադուն բացատրել, որ իմ ուժերից վեր է, բայց երբեք ձևական խոստումների հետևից չընկնել: Մեր ժողովուրդն այսօր արդարության կարիք ունի, ամեն ինչ կհանդուրժի, բացի՝ անարդարությունից...
- Ընտրության նախաշեմին ի՞նչ կոչ կանեիք համաքաղաքացիներին և հատկապես արաբկիրցիներին.
- Արաբկիրցիներին կոչ կանեմ հավատան ինձ , իսկ երևանցիներին և մեր ժողովրդին կոչ կանեմ ավելի հանդուրժող լինեն:
- Շնորհակալություն ՝ անկեղծ ու բովանդակային զրույցի համար:
Հետևեք մեզ Viber-ում
