Գաղտնիությունը համացանցում հնարավոր է. անձնական տվյալների պաշտպանության 10 խորհուրդ «Կասպերսկի Լաբորատորիա»-ից
«Կասպերսկի Լաբորատորիա»-ի Հայաստանի ներկայացուցչություն. «Կասպերսկի Լաբորատորիա»-ի փորձագետները հերքում են այն կարծիքը, թե համացանցում գաղտնիություն գոյություն չունի։ Չնայած տվյալների խոշոր արտահոսքերին, սոցիալական ցանցերի ժապավենները փորփրող մութ անձանց, թվային աշխարհում օգտատերերի յուրաքանչյուր քայլին հետևող ամենահաս գովազդատուներին, օգտատերերն ունեն իրենց տվյալները վերահսկելու և դրանք ամեն մեկին չփոխանցելու հնարավորություն։ Այստեղ կօգնեն 10 խորհուրդները, որոնք տրամադրել է կիբեռանվտանգության փորձագետ, Հայաստանում և Վրաստանում «Կասպերսկի Լաբորատորիա»-ի տարածքային ներկայացուցիչ Արմեն Կարապետյանը։
- Ստուգել գաղտնիության կարգավորումները սոցիալական ցանցերում
- Անհրաժեշտ է փոփոխել սոցցանցերում գաղտնիության կարգավորումները։ Այսհղումներով դուք կարող եք ծանոթանալ, թե ինչպես դա կարելի է անել Facebook-ում, ВКонтакте-ում, Одноклассники-ում, Twitter-ում, LinkedIn-ում և Instagram-ում։
- Ժամանակ առ ժամանակ սոցցանցերը փոփոխում են կարգավորումները, այնպես որ երբեմն պետք է ստուգել, թե արդյոք ինչ-որ նորամուծություն չի հայտնվել։ Օրինակ՝ վերջերս ВКонтакте-ում ավելացրել են հեռախոսահամարով օգտատիրոջ պրոֆիլի որոնման արգելք, և դա օգտակար կարգավորում է։
- Անձնական տվյալների համար չօգտագործել ընդհանուր հասանելիություն ունեցող պահոցներ
- Հարկ է անձնական տվյալների պահպանման համար չօգտագործել ֆայլերի փոխանակման և համատեղ աշխատանքի ծառայությունները։
- Պաշտպանվել վեբ-լրտեսումից
- Համացանցում լրտեսումից խուսափելու համար անհրաժեշտ է օգտագործել Kaspersky Internet Security-ի «Պաշտպանություն տվյալների հավաքագրումից» գործառույթը։
- Չհայտնել հիմնական էլեկտրոնային փոստը և հեռախոսահամարը բոլորին
- Առցանց խանութներում գրանցվելու համար անհրաժեշտ է գրանցել էլեկտրոնային փոստի լրացուցիչ հասցե և գնել ևս մեկ SIM-քարտ, ինչպես նաև դրանք օգտագործել այլ իրավիճակներում, երբ օգտատիրոջից պահանջվում է անծանոթներին տալ իր տվյալները։
- Կիրառել միջանցիկ ծածկագրումով մեսենջերներ
- Անհրաժեշտ է օգտագործել միջանցիկ (end-to-end) ծածկագրումով մեսենջերներ, օրինակ, WhatsApp։
- Հարկ է ուշադրություն դարձնել այն հանգամանքի վրա, որ Telegram-ը, Facebook Messenger-ը և Google Allo-ն միջանցիկ ծածկագրումը լռելյայն չեն կիրառում։ Այն միացնելու համար անհրաժեշտ է ձեռքով գործարկել գաղտնի խոսակցության գործառույթը։
- Օգտագործել հուսալի գաղտնաբառեր
- Հարկ է օգտագործել երկար գաղտնաբառեր՝ գոնե 12-նիշանոց, իսկ ավելի լավ է՝ ավելի շատ նիշերով։
- Յուրաքանչյուր ծառայության համար ստեղծել նոր, չկրկնվող գաղտնաբառ։
- Չկրկնվելու և ոչինչ չմոռանալու համար ավելի լավ է օգտագործել գաղտնաբառերի մենեջեր։
- Աչքի անցկացրեք շարժական հավելվածների և բրաուզերների ընդլայնումների թույլտվությունները
- Անհրաժեշտ է ստուգել շարժական հավելվածներին տրվող թույլտվությունները։ Ահա այսպես կարելի է դա անել Android-ում, այսպես՝ iOS-ում։
- Չտեղադրել բրաուզերի ընդլայնումներ առանց խիստ անհրաժեշտության և մանրամասն վերահսկել դրանց տրվող թույլտվությունները։
- Պաշտպանել հեռախոսը և համակարգիչը գաղտնաբառերով և հասանելիության կոդերով
- Հեռախոսներ, պլանշետներ և համակարգիչներ մուտքի համար հարկ է օգտագործել գաղտնաբառեր և իսկության կենսաչափական ստուգում (աուտենտիֆիկացիա)։
- Անջատել ծանուցումները արգելափակման էկրանի վրա
- Անհրաժեշտ է անջատել ծանուցումները արգելափակման էկրանի վրա կամ թաքցնել դրանց բովանդակությունը։ Ահա թե ինչպես է դա արվում Android-ում և iOS-ում։
- Պահպանել զգուշությունը ընդհանուր հասանելի Wi-Fi ցանցերում
- Հարկ է հնարավորինս չօգտագործել ընդհանուր հասանելիության Wi-Fi ցանցեր. դրանց հետ կապված ռիսկերի մասին կարելի է կարդալ այստեղ։
- Եթե առանց հանրային Wi-Fi-ի օգտագործումը խիստ անհրաժեշտ է, պետք է կիրառել անվտանգ միաց ում՝ VPN:
Հետևեք մեզ Viber-ում
