«Չեմ շահարկում , որ ազատամարտիկ եմ, որ վիրավոր եմ». Արտակ Զեյնալյան
«Լույս» դաշինքի քաղաքապետի թեկնածու, արդարադատության գործող նախարար Արտակ Զեյնալյանը, լրագրողների հետ հանդիպմանն անդրադառնալով փաստին, որ սոցցանցերում «Իմ քայլը» դաշինքի երիտթեւի ներկայացուցիչները Արտակ Զեյնալյանի մասին ծաղրանկարներ են տարածում՝ գրելով, որ նա շահարկում է իր կարգավիճակը,ասաց «Ես չեմ շահարկում փաստը, որ ազատամարտիկ եմ, չեմ շահարկում վիրավոր լինելու հանգամանքը: Նույն կերպ չեմ շահարկում, որ առողջապահության փորձագետ եմ եւ իրավապաշտպան»: «Չկա որեւէ փաստ, որ մրցակից-գործընկեր դաշինքի երիտասարդական թեւի ներկայացուցիչներն են դրանց հեղինակները: Դրանք անանուն օգտատերեր են անում: Գուցե այս կամ այն համակիրների կողմից են տարածվում, բայց չեք կարող ապացուցել, որ հենց նրանք են հեղինակները: Չեմ սիրում, երբ ինձ ուղղված գովեստի խոսքերը սխալ են մեկնաբանում: Ես երիտասարդ եմ եւ պետք է ապրեմ: Ապրել, նշանակում է՝ սխալվելու իրավունք ունենալ: Ես սովորական քաղաքացի եմ, եւ ամենաբարձր պաշտոնն ազատ քաղաքացու պաշտոնն է» ,-ասաց նա:
Հետևեք մեզ Viber-ում
