Շատ մեծ որս են կուլ տվել, մարսողական համակարգի խնդիրներ կունենան. «Yerevan today» կայքի գլխավոր խմբագիր

««Yerevan today» խմբագրությունում երեկ տեղի ունեցած խուզարկությունը կատարվել է  բազմաթիվ խախտումներով :Նախ խուզարկությունը սկսել են առանց փաստաբանի: Չէին կարող այդքան սպասել: Սկսելուց մի քանի րոպե անց եկավ փաստաբանը, բայց նրանք ներս չէին թողնում, ասելով՝ ուշացել ես, հեռախոսազանգից հետո թույլատրեցին, որ փաստաբանը ներս մտնի»,-այսօր հրավիրված ասուլիսին հայտարարեց «Yerevan today» կայքի գլխավոր խմբագիր Սևակ Հակոբյանը: Երկրորդ փաստաբանին ևս զանգից հետո են թույլ տվել:Քննչական հատուկ գործողություն իրականացնող անձինք ամբողջ ընթացքում կապի մեջ էին ինչ-որ պաշտոնյայի հետ, բայց նրա անունն իր մոտ չեն տվել: «Իրավապահներն իրենց մոտ եկել էին փնտրելու ապացույցներ՝ արդյոք իրավապահ մարմիններին գաղտնալսելու ձայնագրությունը առաջինը իրենց մոտի՞ց է տարածվել, թե՞ ոչ, մինչդեռ խուզարկել են ամեն ինչ. նյութեր, ռեզյումեներ, հայտարարություններ և այլն: Նրանք նայել են մեր բոլոր ֆինանսական թղթերը, որոնք կապ չունեին գործի հետ,»-ասաց նա: Բացի այդ, ըստ խմբագրի՝ խուզարկություն իրակացնող խումբն ասում էր, որ փաստաբաններն իր տարբերություն իրենց,  ներսուդուրս չեն կարող անել: Ի դեպ, Սևակ Հակոբյանը հայտարարեց, որ խուզարկության նախօրեին՝ կիրակի օրվանից, կայքի վրա DDos հարձակումներ են տեղի ունեցել, և ենթադրում են, որ նյութեր տեղադրելու փորձ է արվել: Հարցին, թե հայցով դիմելո՞ւ են դատարան, Սևակ Հակոբյանը պատասխանեց. «Շատ մեծ որս են կուլ տվել և մարսողական համակարգի խնդիրներ կունենան, թե ոնց կլինի, առաջիկայում կերևա»: Ըստ նրա՝ ճնշումները ոչ միայն իրենց կայքի վրա են, այլ ընդհանուր ազատ մտքի նկատմամբ կա ճնշում: «Ես նկատում եմ Հայաստանում ազատ խոսքի նկատմամբ ճնշում»,-ասաց նա: