“Google որոնման համակարգը սխալ էր ցուցադրել ԱԱԾ տնօրենի և ՀՔԾ պետի խոսակցության ձայնագրության հրապարակման օրը: Ըստ Google-ի՝ ԱԱԾ տնօրենի և ՀՔԾ պետի՝ այդ ձայանգրության գաղտնալսման թեմայով հրավիրված ասուլիսը ևս նույն կայքում տեղադրվել էր երկու օր շուտ, ինչն աբսուրդ է և փաստում է, որ խնդիր կա նույն որոնման համակարգում: Մեր տպավորությամբ սա փորձ է լռեցնել լրատվամիջոցին, որը մեր երկրում հանդես է գալիս առկա մերժելի երևույթների քննադատությամբ, և փորձ է խաթարելու կայքի բնականոն աշխատանքը: Սա փորձ է դաս տալ ազատ ու հիմնավորված քննադատական խոսք հնչեցնող մյուս լրատվամիջոցներին: Այս գործելաոճը մեզ հայտնի է դեռևս Սովետական միությունից”,- այսօրվա ասուլիսում ասաց Yerevan.today-ի գլխավոր խմբագիր Սևակ Հակոբյանը:
«Նրանք փնտրում էին ոչ միայն նյութի շուտ տարածման ապացույցներ, այլև ամենածիծաղելին այն է, որ մեզ մոտ փնտրում էին սարքեր, որոնցով գաղտնալսել ենք մեր անճարակ իրավական կառույցների ղեկավարներին ու տեղադրել ենք կայքում:
Ըստ օպերատիվ տեղեկությունների՝ ոստիկանությունը կասկածներ ունի, որ առաջին անգամ մեր կայքում է տեղադրվել այդ ձայնագրությունը: Նրանք թույլտություն ունեին ոչ միայն համակարգիչները ստուգելու, այլ նաև կամեռաները, այն ամենը, ինչը կարող էր իրեղեն ապացույց դառնալ: Բայց չեն բացահայտելու այն, ինչի համար եկել են, որովհետև չկա:
Մեր փաստաբաններն արձանագրել են 7 կետով խախտումեր: Առաջինն այն է, որ խուզարկությունն սկսել են առանց փաստաբանի:
Ասում էինք՝ հիմա հասնում է, բայց իրենք ասում էին՝ չեն կարող այդքան սպասել: Երբ սկսելուց մի քանի րոպե անց եկավ փաստաբանը, նրան ներս չէին թողնում, ասում էին՝ ուշացել ես: Իրենք ինչ-որ մեկի հետ խոսեցին, որից հետո թույլատրեցին, որ փաստաբանը ներս մտնի: Ես ուզում եմ շեշտեմ հեռախոսով խոսելը, քննչական գործողություններն իրականացնող անձինք ամբողջ ընթացքում կապի մեջ էին, ստանում էին ցուցումներ, թե ինչ անեն: Երկրորդ փաստաբանը միացավ ավելի ուշ, նա լսել էր, որ խոսում են արդեն առգրավելու մասին, երևի ցուցում էին ստացել առգրավելու»,- ասաց նա:
Հաջորդ խախտումն այն է, որ նրանք եկել էին խմբագրություն՝ փնտրելու ձայնագրության հետ կապված ապացույցներ և ձայնագրող սարքեր, բայց բացել ու կարդացել են լրագրողների հոդվածքները, աշխատանքի համար ուղարկված ռեզյումեները, ծանոթացել են ֆինանսական փաստաթղթերին:
“Մեզ ասում էին, որ դուրս ու ներս չենք կարող անել, փաստաբաններին էլ չէին թողնում: Մենք չէինք կարողանում դուրս գալ բնական կարիքների համար, բայց իրենք դուրս ու ներս էին անում”,- նշեց նա:
Սևակ Հակոբյանը նաև հայտարարեց, որ վարչապետն իր հայտարարություններով ուղորդել է իրավապահ մարմիններին:
Հունիսի 26-ին՝ ժամը 13։00-ին, Հայելի ակումբի հյուրն է Աշոտ Անդրեասյանը
Հունիսի 26-ին՝ ժամը 12։00-ին, Հայելի ակումբի հյուրն է «Ժառանգություն» կուսակցության առաջնորդ Րաֆֆի Հովհաննիսյանը
Հունիսի 25-ին՝ ժամը 14։00-ին, Հայելի ակումբի հյուրն է Կարինե Նալչաջյանը
Հունիսի 25-ին՝ ժամը 12։00-ին, Հայելի ակումբի հյուրն է Վիգեն Հակոբյանը
Հունիսի 25-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Հունիսի 24-ին՝ ժամը 11։30-ին, Հայելի ակումբի հյուրն է Դերենիկ Մալխասյանը
Հունիսի 24-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հունիսի 24-ին՝ ժամը 13։00-ին, Հայելի ակումբի հյուրն է Անաստաս Իսրայելյանը
Հունիսի 24-ին՝ ժամը 14։00-ին, Հայելի ակումբի հյուրն է Նարե Սոսեն
Հունիսի 24-ին՝ ժամը 12։00-ին, Հայելի ակումբի հյուրն է ազատամարտիկ Դավիթ Մկրտչյանը
Հետևեք մեզ Viber-ում
