Սերժ Սարգսյանին կներկայացվի վերջնական տարբերակ

«Ազատության» հետ զրույցում  ՀՀ վարչապետի աշխատակազմի ղեկավար Էդուարդ Աղաջանյանն ասաց,որ  ՀՀ երրորդ նախագահ Սերժ Սարգսյանը եւ նրա գրասենյակը հրաժարվել են մինչ այժմ առաջարկված բոլոր առանձնատներից, սակայն շուտով նրան կառաջարկվի վերջնական տարբերակ «Դեռևս կառավարության ձևավորման սկզբի օրերին իրեն հանձնարարվել էր զբաղվել երրորդ նախագահ Սերժ Սարգսյանին տուն տրամադրելու գործով:  Այդ ընթացքում տարբեր առաջարկներ են ուղարկել երրորդ նախագահի գրասենյակ, բայց բոլորն էլ մերժվել են:Մեր   կողմից մատնանշվել են անվտանգության հետ կապված խնդիրներ»,- նշեց Աղաջանյանը: ՀՀ վարչապետի աշխատակազմի ղեկավարը նշեց, որ ըստ այդմ՝ երրորդ նախագահի գրասենյակից է հայցվել, որ «տարբերակներ ուղարկեն մեզ», սակայն առայժմ որեւէ պատասխան չի ստացվել: «Առայժմ, որքանով որ տեղյակ եմ, մեզ որևէ բան չեն ուղարկել»,- մանրամասնեց նա: Աղաջանյանը նկատեց, որ պաշտոնաթող նախագահին բնակարանի տրամադրման հարցը շատ է ձգձգվում: Իսկ հարցի հանգուցալուծումը նա հետևյալ կերպ է տեսնում. «Մենք կընտրենք ամենահարմար և նախորդ նախագահներին տրամադրած որևէ գույքի ամենաադեկվատ տարբերակը: Դա կառաջարկենք և դա կլինի մեր միակ ու վերջնական առաջարկը: Անկախ նրանից՝ նրանք կառաջարկե՞ն, թե՝ ոչ, այդ առաջարկը կլինի վերջնական»: Վարչապետի աշխատակազմի ղեկավարը տեղեկացրեց, որ մոտ օրերս այդ առաջարկը կներկայացնեն Սերժ Սարգսյանի գրասենյակին: