Կառավարության շենքի մոտ ինքնահրկիզված տղամարդը մահացել է

Սեպտեմբերի 9-ին՝ ժամը 14.30-ին, ոստիկանության Կենտրոնականի բաժնում հաղորդում էր ստացվել, որ Հանրապետության հրապարակում՝ կառավարության շենքի մոտ քաղաքացին իրեն հրկիզել է: Ժամը 16.20-ին, «Այրվածքների կենտրոն»-ից էր հաղորդում ստացվել, որ շտապօգնության խումբը «մարմնի 60 տոկոսի այրվածք, վերին շնչուղիների 20 տոկոս» ախտորոշմամբ բուժօգնության է տեղափոխել 1969 թ. ծնված Արմենակ Պետրոսյանին: Պարզվել է, որ նույն օրը՝ ժամը 14.20-ին, Ա.Պետրոսյանն ինքնահրկիզման եղանակով կառավարության թիվ 1 շենքի մոտ փորձել է ինքնասպանություն գործել: Սեպտեմբերի 15-ին, ժամը 11.40-ին, Ա.Պետրոսյանը մահացել է: Նախապատրաստվում են նյութեր: