Լենա Նազարյանը՝Սերժ Սարգսյանի և նրա փեսայի բարեկամների՝ «Իմ քայլը» դաշինքի ցուցակում ներգրավված լինելու մասին

«Սերժ Սարգսյանի և նրա փեսայի բարեկամները ներգրավված չեն «Իմ քայլը» դաշինքի ցուցակում:Մեր  դաշինքի ցուցակում կա Միքայել Հասրաթյան անունով թեկնածու, որը ոչ մի կապ չունի Միքայել Մինասյանի բարեկամների հետ, այլ ընդամենը անուն-ազգանվան համընկնում է։ Մուս անձի մասին, որ իբրև թե Զորի Բալայանի բարեկամն է, իրենք պատկերացում չունեն, թե ում մասին է խոսքը: Եվս մեկ հոգի,   Վիկտոր Մնացականյանը Միքայել Մինասյանի սանիկն է, սակայն նա հեղափոխության օրերին շատ ակտիվ մասնակցել է ճանապարհ փակելուն, դրա մասին նույնիսկ տեսանյութեր կան, Աբովյան փողոցում գորգերով ճանապարհ փակելու հայտնի ակցիան ևս նա է իրականացրել: Ընդ որում, ինչպես շեշտեց պատգամավորը, Մնացականյանը Մինասյանի սանիկն է եղել ավելի վաղ, քան Մինասյանը «դարձել է այն, ինչ կա», իսկ հարաբերությունները չեն պահպանվել»,-  ԱԺ ճեպազրույցների ժամանակ հայտարարեց «Ելք» խմբակցության ղեկավար Լենա Նազարյանը՝ հակադարձելով «Ծառուկյան» դաշինք խմբակցության պատգամավոր, ԲՀԿ-ի քաղաքապետի թեկնածու Նաիրա Զոհրաբյանի հայտարարություններին: «Ծառուկյան դաշինքն ապրիլի 17-ին 9 պատգամավորով կողմ է քվեարկել Սերժ Սարգսյանի  վարչապետությանը: Ինչպես նաև այդ կուսակցությունը մի քանի անգամ կոալիցիայի մեջ է եղել ՀՀԿ-ի հետ: 2008 թ. մարտի 21-ին, մարտի 1-ից 20 օր հետո, տիկին Զոհրաբյանը կողմ է քվերակել Երևանում մարտի 1-ին հատուկ դրություն մտցնելու ԱԺ որոշմանը: Բազում տեսանելի և անտեսանելի կոալիցիաների մեջ է գտնվել ԲՀԿ-ն ՀՀԿ-ի հետ: Եվ այս ամենից հետո իրենք մեզ ինչ-որ մեղադրանքներ են ներկայացում ՀՀԿ-ի հետ համագործակցության մասով»,- ասաց Լ.Նազարյանը: