Ես ման չեմ գալիս ինչ-որ «դաբրո»–ներ.Արթուր Միսակյան

««Ճշմարտությունը ծնվում է համեմատության մեջ», իսկ մյուս երկու թեկնածուների՝ գործող քաղաքապետ Արամ Դանիելյանի, ինչպես նաև նախկին քաղաքապետ Սասուն Միքայելյանի աշխատանքները հրազդանցիները արդեն տեսել են»,-լրագրողների հետ հանդիպմանը նման կարծիք հայտնեց «Հայկական վերածնունդ» կուսակցության կողմից Հրազդանի քաղաքապետի թեկնածու առաջադրված Արթուր Միսակյանը:   «Վերջին քսան տարիների ընթացքում միշտ եղել է երկու թեկնածու: Ես առաջարկում եմ նոր թարմ գաղափարներ, նոր մոտեցումներ, նորարարական ծրագրեր:Պաշտոնական քարոզաչարշաի մեկնարկի առաջին օրը կներկայացնեմ  իր նախընտրական ծրագիրը: Հրազդանի բնակիչը տեսնելու է այն սոցիալ–տնտեսական ծրագիրը, որ առաջ ենք քաշելու պատրաստված Հայաստանի լավագույն մասնագետների կողմից, որը Հրազդանին նոր շունչ է տալու, վերածնունդ է բերելու: Մարդիկ այսօր փոփոխություններ են ուզում, ռեալ աշխատանք են ուզում, հոգնել են ինտրիգներից: Տարիներ անց հրազդանցին ուզում է ռեալ փոփոխություններ իրենց կյանքում»,- ասաց նա:»,- ասաց նա և նշեց, որ ընտրական տեղամասերում  ներկայացնելու են հանձնաժողովի մեկ անդամ և մեկ վստահված անձ:   «Պետք է հրազդանի բնակչությունը գնա և խղճի, համոզմունքի ընտրություն կատարի, ոչ թե փողի և պարտադրանքի: Ես ապավինում եմ հրազդանցիներին, ես ման չեմ գալիս ինչպես մյուսները ինչ–որ «դաբրո»–ներ, հովանավորչութուններ: «Դաբրո»–ն տալիս է հրազդանի բնակիչը, նա ում քվեարկեց, նա էլ հաղթելու է, «դաբրո»–ն դա ժողովուրդն է: Ո՞վ է հիմար որ բերի  այսօր փող բաժանի, այն ընտրակաշառքը, որ տալու են, հետո մարդկանց քթերից են բերելու։ Նա, ով փող է բաժանում ընտրվելու համար, հետո մտածելու է այդ փողը հետ բերելու մասին»,-ասաց նա: