Մի՛ վախեցեք անուններից, կանչեք ու հարցաքննեք Փաշինյանից ու Խաչատուրովից սկսած բոլորին. Աշոտյան

Ազգային ժողովում ԱԺ Հանրապետական խմբակցության պատգամավոր Արմեն Աշոտյանը հետաքրքրվեց, թե պարզել են ինչո՞ւ էր հարուցվել քրեական գործ դատախազության կողմից: «Երեկ երեկոյան, երբ  դատախազության կողմից լուրը տարածվեց, իշխանական քարոզիչները և միամիտ մարդիկ գրում էին, որ սա այն Հայաստանն է, որտեղ ես երազում եմ ապրել: Սա այն Հայաստանն է, որտեղ վերջապես դատախազությունը, անկախ նրանից՝ ԱԱԾ է, ՀՔԾ է, հարուցեց քրգործ: Պարզեցինք՝ ինչո՞ւ էր հարուցվել քրեական գործը»,- ասաց Աշոտյանը: Նա այն կարծիքին է, որ գործը հարուցվել է կանխելու ու խոչընդոտելու համար խորհրդարանի կողմից իր սահմանադրական իրավունքների լիարժեք իրականացումը: «Ինչի՞ց եք վախենում, պարոնա՛յք: Ինչի՞ց եք վախենում, երբ որ ափալ-թափալ՝ նիստից մի օր շուտ գործ եք հարուցում: Հերիք չի՞ էդ մակարոնեղենը կախեք մեր քաղաքացիների ականջներին: Խորհրդարանն ունի լիազորություններ: Խորհրդարանի գործունեությունից վախենալ պետք չէ, այս հանձնաժողովի աշխատանքը չպետք է լինի քաղաքական: Այս հանձնաժողովը պետք է ունենա մի քանի սկզբունք»: Ըստ Աշոտյանի՝ անուններից չունենալն է ու բոլորին կանչելը, ում ուզում են հարցաքննել՝ Նիկոլ Փաշինյանից սկսած՝ վերջացրած Յուրի Խաչատուրովով, մյուս սկզբունքն էլ այն է, որ  պետք է գտնել ճշմարտությունը, որքան էլ այն ծանր է լինելու անհատների, քաղաքական ուժերի կամ հասարակության համար: