Համաներում չլինի, միտինգ ենք անելու.քաղաքացին՝Հայկ Մարությանին/video/
Այսօր «Իմ քայլը» դաշինքի՝ Երեւանի քաղաքապետի թեկնածու Հայկ Մարությանն իր նախընտրական քարոզարշավը սկսեց Դավթաշեն թաղամասից: Դավթաշենի մի քանի բնակիչներ Հայկ Մարությանին դիմեցին դատապարտյալների հետ կապված խնդիրներով, հարցրին համաներման մասին: Մարությանը բնակիչներին ասաց. «Մեր դատական համակարգն այս պահին հին համակարգն է, եւ չնայած նրան, որ հարցի բուն հասցեատերնես չեմ , այնուամենայնիվ, վարչապետ Նիկոլ Փաշինյանը տեղյակ է այս խնդիրներից: Տեսեք՝ դատական համակարգն ու քաղաքապետարանը տարբեր են: Հայաստանում հեղափոխություն եղել է, այո, բայց դատական համակարգը մնացել է հինը: Բայց առջեւում Ազգային ժողովի արտահերթ ընտրություններ են: Այդ ժամանակ, երբ ընտրությունները կլինեն, կսկսի փոխվել նաեւ դատական համակարգը: Մինչ այդ՝ մեր կառավարությունը հստակ եւ սկզբունքային ասել է, որ չի խառնվելու դատարանների աշխատանքին: Իսկ համաներման մասով՝ դա կառավարության գործառույթն է, մենք իսկապես չգիտենք: Ինձ հարցնում են՝ լինելու է, թե՝ ոչ, ես չգիտեմ, բայց հստակ ասում եմ՝ ամեն ինչ լինելու է իր հերթին»,- ասաց Հայկ Մարությանը: Քաղաքացին էլ ասաց,որ եթե համաներում չլինի, միտինգ են անելու:
Հետևեք մեզ Viber-ում
