Քոչարյանի դեմ փողերի լվացման գործ է բացվում. «Կհրապարակեմ ոնց է ձեռք բերել «Կոնգրես» հյուրանոցը՝ 6 մլն դոլար կաշառք վերցնելու արդյունքում» (video)

Այսօր հրավիրած ասուլիսում ԱԱԾ պետ Արթուր Վանեցյանը հայտարարեց, որ իրենց ձայնագրելով՝ փորձ են անում վախեցնել իրենց. «Կխոսենք Ռոբերտ Քոչարյանի ունեցվածքի մասին, նույն ինքը, որ հեռուստատեսությամբ ասում է, մենք ոչ մի բան չունենք, փաստերով կխոսենք ու կհրապարակեմ ով ինչ ունի ու ոնց է ձեռք բերել «Կոնգրես» հյուրանոցը՝ 6 մլն դոլար կաշառք վերցնելու արդյունքում եւ մնացածը, այլ ունեցվածքները»: Լրագրողների դիտարկմանը, որ ասում է՝ բաժնետերերի մեջ է «Կոնգրեսի՞», իրենը չէ՝ Վանեցյանն արձագանքեց. «Բաժնետերերի մեջ չի նշանակում, որ պետք է մարդուն ստիպեն 6 մլն դոլար տանի տա իրան: Ձեզ կտա՞ն 6 մլն դոլար հենց ընենց, ո՞ր մեկին կտան: Ունենք ստացված ցուցմունք, ունենք հիմնավոր ապացույցներ, ունենք սխեման, որտեղ հստակ երեւում է որտեղից է սկսել, ոնց է գալիս ու դառնում «Ռենկո» ՍՊԸ…մի խոսքով՝ ոնց է գալիս եւ հասնում եւ Քոչարյանի ընտանիքը վերջում դառնում սեփականատեր, ունենք գումարի սկզբնաղբյուրը, ոնց ի հայտ եկավ, ոնց փոխանցվեց Քոչարյանի ընտանիքին: Շատ-շատ են, հարուցվել է քրգործ՝ 1 շաբաթ, 10 օր առաջ: Ապօրինի հարստացում իրենց չի սպառնում, փողերի լվացումով է հարուցվել քրգործը: Քոչարյանն անպայման ներգրավելու է գործի մեջ, խոսքը գնում է հարյուր միլիոնավոր գումարների մասին»: