«Խնդրանք՝ ընտրություններին մասնակցող քաղաքական ուժերին»․ Բաբկեն Պիպոյան
«Իրազեկ և պաշտպանված սպառող» ՀԿ նախագահ Բաբկեն Պիպոյանը ֆեյսբուքյան իր էջում գրել է․ «Պաշտոնապես մեկնարկում է մայրաքաղաքի ավագանու ընտրությունների նախընտրական քարոզարշավը․ չնայած հանուն արդարության նշեմ, որ դե ֆակտո վաղուց էր մեկնարկել։ Այս քարոզարշավը, հուրախություն ինձ, էականորեն տարբերվելու է նախորդներից։ Երկրում ստեղծվել է քաղաքական այնպիսի իրավիճակ, որ ուժերը քարոզարշավը չեն կառուցելու իրար վրա ցեխ շպրտելու «մեթոդաբանությամբ»։ Կամա թե ակամա անցում ենք կատարում նոր փուլ՝ ընտրություն, որը հիմնված է ծրագրերի և անձանց վարկանիշների վրա։ Իսկ այժմ ծրագրերից․ մտավախություն ունեմ, որ վերջիններս կրկին կարող են կենաց հիշեցնել։ Այնպես որ խնդրանքս բոլոր քաղաքական ուժերին․ խոստումներից առաջ նշել՝ • Որքա՞ն է ռեֆորմի ծախսը • Ինչպե՞ս է այն գնահատվել • Առկա՞ են արդյոք այն գումարները, որոնք անհրաժեշտ են նշված ռեֆորմների համար և որտեղի՞ց • Ի՞նչ ժամկետում է իրականացվելու ռեֆորմը և ի՞նչ մեխանիզմներով Եթե չնշվի թվարկվածներից թեկուզ և մեկը, ցավոք, բայց ծրագիրը դիտարկելու եմ որպես «բարեմաղթանք-կենաց», բայց ոչ՝ ծրագիր։ Հ․Գ․ Ցանկալի կլինի, նաև, հասկանալ՝ ավագանու ցուցակում առկա՞ է կոնկրետ ռեֆորմի պատասխանատուն, ում հետ հնարավորություն կունենանք քննարկել վերոնշյալ հարցերը»։
Հետևեք մեզ Viber-ում
