Վարստանի վարչապետը Հայաստանում է հավակնոտ ծրագրով

Պաշտոնական այցով ՀՀ-ում գտնվող Վրաստանի վարչապետ Մամուկա Բախտաձեն Բաղրամյան 26-ում նախ առանձնազրույց է ունեցել ՀՀ վարչապետ Նիկոլ Փաշինյանի հետ, ապա երկու երկների պատվիրակությունները հանդիպել են ընդլայնված կազմով: Այս հանդիպումներից հետո երկու երկրների վարչապետերը հանդես են եկել հայտարարությամբ: «Այսօր շատ կարևոր խոսակցություն ունեցանք, ամբիցիոզ խնդիրներ ձևակերպեցինք: Հայաստանի և Վրաստանի հարաբերությունները փայլուն են և խնդիր ունենք տնտեսական հարաբերությունները համապատասխանեցնելու այն բովանդակային հարաբերություններին, որ կա երկու ժողովուրդների միջև: Տրանսպորտային, քաղաքական համագործակցության հարցեր ենք քննարկել: Վրաստանի վարչապետի կողմից ամբիցիոզ ծրագիր է առաջարկվել, մենք պաշտպանում ենք այդ ծրագիրը, այն է՝ փոխադարձ առևտրաշրջանառությունը հասցնել մեկ մլդ դոլարի մակարդակի: Սա մի խնդիր է, որի շուրջ հստակ կդիրքավորվենք: Առաջիկայում տեղի կունենա հայ-վրացական միջկառավարական նիստը, և այդ հանձնաժողովի ու կառավարությունների առջև խնդիր կդրվի մշակել ճանապարհային քարտեզ»,-ասել է Նիկոլ Փաշինյանը: «Հավատում եմ, որ մեր միջև հարաբերությունները շատ ավելի կխորանան տարբեր հարցերում: Տրանսպորտի, էներգետիկայի, զբոսաշրջության, կրթության, մշակույթի հարցեր ենք քննարկել: Միջկառավարական հանձնաժողով կհրավիրենք աշնանը: Բարձր մակարդակի հարաբերությունները պահպանելու ենք», – նշել է Մամուկա Բախտաձեն: Բախտաձեն ուրախություն է հայտնել, որ վարչապետի պաշտոնը ստանձնելուց հետո առաջին պաշտոնական այցն է կատարել Հայաստան: