«Սա ոչ սազական ա մարդուն, ոչ տղամարդուն, ոչ էլ առավել ևս երկրի ղեկավարին». Շանթ Հարությունյանի կշտամբանքը Նիկոլ Փաշինյանին (video)
Այսօր Վարդաշեն քրեակատարողական հիմնարկում հրավիրած ասուլիսում Շանթ Հարությունյանը նշեց, որ ցավում է՝ Նիկոլ Փաշինյանը նախորդ ռեժիմի դեմ պայքարելով հանդերձ, բացասականն այսօր տարածվում է: «Ճիշտ չի վարչապետի կողմից համեմատություններ անել: Առավել ևս ընկերներին ընկերների հետ համադրել, որ Նիկոլ Փաշինյանն ասաց՝ ես առաջարկել եմ երեք հոգու, երկուսն ընդունել են իմ առաջարկը, Շանթը չի ընդունել: Մի հատ խոսք կա՝ մի արա ուրիշին այն, ինչ չես ուզի, որ քո նկատմամբ անեն: Երբ Նիկոլ Փաշինյանն սկսեց իրա հեղափոխական քայլը, իրա երկու գործող ընկերները, Սերժն էլ ասեց՝ Էդմոն Մարուքյանն ու Արամ Սարգսյանը չեն միացել քո հեղափոխությանը: Դաժե ասեց՝ խնդրում եմ, ձեր ընկերոջը կանչեք, գա պառլամենտ: Բայց Նիկոլ Փաշինյանն ինքը դրանից կարող ա ցավ զգար, բայց շարունակեց պայքարել: Ես համոզված եմ, որ ինքը ցավ զգաց, երբ իրա դաշինքային ընկերները, որոնց հետ դուրս են եկել փողոց, ըտենց արեցին: Ուղիղ նույն երևույթն ա հիմա, ոչ թե այլ ընդդիմադիրները չէին միացել հեղափոխությանը, այլ կոնկրետ հղում էին անում իրա երկու գործընկերներին: Ինքը վատ զգաց, որովհետև, երբ հեղափոխությունն ավարտվեց, հաղթական ելույթին ինքը մարդկանց արգելեց միկրոֆոնին մոտենալ, էդ իրա երկու ընկերներին: Ես դա դիտեցի որպես ցուցիչ: Ուրեմն, ինքը նեղված ա, ցավ ա ապրել: Երբ որ ինքը դա ապրել ա, ինքը ո՞նց ա իրան թույլ տալիս մեկ ուրիշի նկատմամբ նույնը՝ բանտում գտնվող, նրա երկու ընկերներին հղում անելով: Դա անուղղակի վատ մանիպուլյացիա ա, որը վատ բաների է տանելու երկիրը: Այնպես չէ, որ Սերժ Սարգսյանն ի սկզբանե սրիկայությամբ եկավ իշխանության: Այսպես ասած՝ միանգամից չի, որ սրիկայանում են: Էս էլ թող լինի իմ կշտամբանքը Նիկոլ Փաշինյանին, որ սա ոչ սազական ա մարդուն, ոչ տղամարդուն, ոչ էլ առավել ևս երկրի ղեկավարին, որ ինչ-որ մեկի հետ հարցեր ունենա, մյուսներին հղում անի»,- նշեց նա:
Հետևեք մեզ Viber-ում
