Նույն մարդիկ են, ինչ Սերժի թիմը. Շանթ Հարությունյան

Այսօր Վարդաշեն քրեակատարողական հիմնարկում հրավիրած ասուլիսում Շանթ Հարությունյանը՝ նշեց, որ այսօր խոսակցություններ են տարածվում, թե իբր իրեն ազատել են պատժից, բայց ինքը հրաժարվում է: «Ժողովրդի մի մասին չեմ ուզում վիրավորել, բայց մյուս մասը կամ տգետ ա, կամ սրիկա, որովհետև եթե ինձ բանտից ազատեին, էս մարդիկ ինձ մի րոպե ավելի չէին կարա պահեին: Ու պրիտոմ ասում են, որ դա վարչապետն ա  իրա կողմնակիցների մոտ ասել, ըտենց տարածվել ա: Ես պաշտոնապես ասում եմ՝ չի կարա ըլնի ըտենց բան, որ որևէ կալանավորի ազատեն, ինքը բանտից դուրս չգա: Բաց ռեժիմն ինքն ազատություն չի: Երբ որ մենք պահանջում ենք արդարացում, մենք ավելի շուտ նկատի ունենք արդարադատություն: Ես արդարադատություն եմ պահանջում, որովհետև ցանկացած մարդ, լինի հանցագործ, թե անմեղ մեղադրյալ, ինքն իրավունք ունի միշտ համարի, որ ինքն անմեղ ա: Միայն արդարադատությունն ա որոշում իրա մեղքը: Հիմա, երբ մենք ասում ենք՝ պահանջում ենք արդարացում, այսինքն՝ արդարադատություն, բոլոր նրանք, որ ասում են՝ չէ, ի՞նչ արդարացում, իրանք շանտաժով պահանջում են անարդարադատություն: Էդ մասսա կոչվածը, որ ասում ա՝ դե լավ, թող հելնի, թող իմանա, որ ճնշում ա ինձ՝ իմ արդարությունը պահանջելու հարցում: Ինքը երկրում ճնշում ա արդարադատությունը: Էս խումբը, որ նման ձևով ա արտահայտվում, նույն  մարդիկ են, ինչ Սերժի թիմը, պրոստո ռեսուրս չունեն, որ լկտիությամբ անեն այդ անարդարադատության ճնշումները: Քյասիբ են, պաշտոն չունեն, Ֆեյսբուքում են էտ ստորությունն անում»,- նշեց նա: