«Իբր Հայաստանը ձևական դեմոկրատական երկիր ա, բայց էլի զարտուղի մեթոդներ են կիրառում». Շանթ Հարությունյան

Շանթ Հարությունյանը համաձայն չէ, որպեսզի պատժի կրման բաց ռեժիմի որոշում գործի իր նկատմամբ: Այս մասին այսօր Վարդաշեն քրեակատարողական հիմնարկում հրավիրած ասուլիսում ասաց Հարությունյանը՝ նշելով, որ այսօր խոսակցություններ են տարածվում, թե իբր իրեն ազատել են պատժից, բայց ինքը հրաժարվում է: Շանթ Հարությունյանն ասաց, որ բաց ռեժիմն իր տեսակի մարդու համար անընդունելի է: «Ես Մասիվից ո՞նց պտի նստեմ գամ ըստեղ, ոչ օլիգարխ եմ, տաքսի նստեմ գամ, մի օր ձուն գա ճամփեքը փակվի, վեկալեն նարուշենի գրեն: Հիմա գամ բարոյական պահին, ասենք, ես ուզում եմ էդ նույն արտահերթ ընտրություններին մասնակցեմ, ինձ բաց ռեժիմով բաց են թողնում, բայց ես մեկ ա իրավունք չունեմ ոչ ընտրեմ, ոչ ընտրվեմ: Իբր Հայաստանը ձևական դեմոկրատական երկիր ա, բայց էլի զարտուղի մեթոդներ են կիրառում: Ես ցավով եմ նշում, Նիկոլը թող դարդ չանի, ես ենթադրում եմ Նիկոլ Փաշինյանն ուղղակի էդ նրբությունները չի հասկանում, բայց դա ռուսական ԿԳԲ-ի պատվերն ա: Հիմա ռուսների դիրքերը էապես թուլացել են, բայց իրանք իրենց դրածոներին հանձնարարում են, ասում են՝ մի ձև գտեք: Ժողովուրդը կասի՝ այ մարդ, Շանթին փողոցներում տեսնում եմ, բա խի՞ ինքը Ազգային ժողովի ընտրություններին չի մասնակցում: ԿԳԲ-ն իրա ագենտուրայի ցանցով հո չի՞ ասի՝ Շանթը պատժի տակ ա, իրավունք չունի, կասի՝ այ ցավդ տանեմ, ես ինչ գիտեմ, հաշվել ա, տեսեք՝ մի տոկոս ձեն չունի, չի մասնակցել: Ես ԿԳԲ-ին էդ շանսը տամ, որ ինքն էդ մանիպուլյացիան անի՞»,- նշեց Շանթ Հարությունյանը: