Պետք չէ վախենալ խելացի մարդկանց հետ համագործակցելուց. Րաֆֆի Հովհաննիսյան (video)
Այսօր Հայելի ակումբում լրագրողների հետ հանդիպմանը «Ժառանգություն» կուսակցությունից քաղաքապետի թեկնածու Րաֆֆի Հովհաննիսյանը և կուսակցության ցուցակը գլխավորող մյուս երկու անդամներ Արմեն Մարտիրոսյանը և Հովսեփ Խուրշուդյանը ներկայացրեցին իրենց նպատակներն ու ծրագրերը առաջիկայում սպասվող քաղաքապեետի ընտրություններին: «Ժառանգություն» կուսակցությունից քաղաքապետի թեկնածու Րաֆֆի Հովհաննիսյանի խոսքով՝ ավագանի անցնելու դեպքում իրենք պարտավորվում են աշխատել մասնագիտական խմբերի ու շահառու անձանց աջակցությամբ. «Մենք կարծում ենք, որ քաղաքապետարանում ուժերի դասավորությունն այնպես պետք է լինի, որ մենք չվախենանք մեզանից առավել խելացի մարդկանց հետ համագործակցելուց»: Ցուցակը գլխավորող մյուս երկու անդամներից Արմեն Մարտիրոսյանի կարծիքով էլ «Ժառանգություն» կուսակցությունը դեռ ունի պարտավորություններ Երևանի նկատմամբ. «Տարիներով կուտակած փորձը մենք ուզում են կիրառել քաղաքի կառավարման համար»: Ըստ Մարտիրոսյանի՝ այնքան կարևոր չէ կուսակցության ներկայացրած ծրագիրը, որքան իրենց ցուցակը գլխավորող Րաֆֆի Հովհաննիսյանի անցած ուղին: Հովսեփ Խուրշուդյանն էլ կարևորում է յուրաքանչյուր քաղաքացու ներգրավվածությունը առաջիկայում սպասվող ավագանու ընտրություններին և դրանից հետո իրականացվող աշխատանքներին: Առավել մանրամասն՝ տեսանյութում.
Հետևեք մեզ Viber-ում
